Nyis Jomamoko Gik Mipuonjori

Sama wapuonjore Muma, wabedoga mamor. Kata kamano, wanyalo bedo mamor moloyo ka wawuoyo gi jomamoko e wi gik ma wapuonjore. Ngeche 11:25 wacho niya: “Ng’at ma duogo chuny ji en bende noduog chunye.”

Nyalo bedonwa mayot paro gik ma wapuonjore kendo winjo tiendgi e yo matut sama wanyisogi jomamoko. To nikech wechego nyalo konyo jomamoko, wabedoga mamor sama wanyisogi.—Tich 20:35.

Tem timo kama: E juma ma biro, many thuolo mar nyiso ng’at moro gimoro ma ipuonjori. Ng’atno nyalo bedo achiel kuom joodu, ja kanyaklau, jatich wadu, jaskul wadu, jirandi, kata ng’at miromogo e tij lendo. Tem lerone wachno e yo mayot kendo ma winjore maler kitiyo gi wecheni iwuon.

Par wachni: Nyis jomamoko gik mipuonjori mondo ijiwgi, to ok ni mondo ipakri.—1 Kor. 8:1.