Lweny—Ang’o ma Pinyruodh Nyasaye Biro Timo?

Lwenje ma gore e piny pod medore ameda kendo gikelo lit kod chandruoge mang’eny. Ne ane ripode ma luwogi:

• “E higa mokalo, ji mathoth notho nikech lwenje moloyo higa moro amora chakre e higa mar 1994, to ahinya-ahinya e piny Ethiopia kod Ukraine.”​—Peace Research Institute Oslo, Jun 7, 2023.

• “Lweny ma dhi nyime e piny Ukraine en achiel kuom lwenje mager ma nogore e higa mar 2022. E piny ngima, lwenje ma nogore nikech weche mag siasa nomedore gi pasent mohingo 27% e higa mokalo. Kwanno en kwan ma malo moloyo higni mamoko mosekalo kendo lwenjego nochocho ngima ji ma hawo bilion 1.7.”​—The Armed Conflict Location & Event Data Project (ACLED), Februar 8, 2023.

Muma miyowa geno. Owacho ni “Nyasaye manie polo nochung pinyruoth ma ok noketh ngang’.” (Daniel 2:44) E bwo Pinyruodhno kata sirkandno, Nyasaye biro ‘tieko lwenje e piny duto.’​—Zaburi 46:9.