Be Jachien e ma Kelo Chandruoge Duto?

Dwoko ma Muma Chiwo

Muma wacho ni Satan Jachien en ng’at masie, kendo ochalo gi jatend jokuoge, ma tiyo gi “ranyisi madongo mag miriambo” kod “wound” mondo gik modwaro ochop kare. Mano emomiyo Muma wacho ni “Satan owuon siko ka loko kite mondo onenre kaka malaika mar ler.” (2 Jo-Thesalonika 2:9, 10; 2 Jo-Korintho 11:14) Wanyalo fwenyo ni Jachien nitie kaluwore gi gik maricho motimo.

Kata kamano, Jachien ok kel chandruoge duto ma waneno e piny. Ang’o momiyo wawacho kamano? Nyasaye ne ochueyo dhano gi nyalo mar yiero timo gik mabeyo kata gik maricho. (Joshua 24:15) Sama watimo yiero maricho, wakayo gik maricho.—Jo-Galatia 6:7, 8.