PENJO MA ROWERE OHERO PENJORE
Ere Kaka Muma Nyalo Konya?—Kare Mokwongo: Non Mumbi
“Asetemoga somo Muma, kata kamano, aolga kaneno kaka oduong’!”—Briana, 15.
Be in gi paro ma chalo kamano? Sulani biro konyi!
Ang’o momiyo onego isom Muma?
Be dibed ni somo Muma ok moriga? Ka en kamano, kik iwinj marach. Inyalo neno Muma kaka buk ma nigi ite mokalo aluf mondik matindo tindo kendo oonge kata pichni. Ok inyal pime gi TV kata vidio nikech gin ginyiso pichni!
To koro par ane wachno e yo ma kama: Ka iyudo sanduk moro maduong’ ma nyachon ma ne ikanega mwandu, donge ibiro bedo gi siso mar ng’eyo gik manie iye?
Muma chalo gi sandug mwanduno. Oting’o rieko ma nengogi tek ma biro konyi mondo
Itim yiero mabeyo
Ibed gi winjruok maber gi jonyuolni
Iyud osiepe mabeyo
Inyagri maber gi parruok
Ere kaka buk machon kamano nyalo konyo e ndalowagi? En nikech “Ndiko duto okudh gi much Nyasaye.” (2 Timotheo 3:16) Mano nyiso ni paro mabeyo ma wayudo e Muma owuok kuom ng’at maberie mogik.
Muma chalo gi sanduk mopong’ gi rieko mang’eny kendo ma nengone tek ahinya
Ere kaka anyalo somo Muma?
Yo achiel en some chakre chakne nyaka gikone. Mano biro konyi mondo iyud puonj maduong’ ma Muma wuoye. Nitie yore mang’eny minyalo somogo Muma. Wanon ane ranyisi moko ariyo:
Inyalo somo buge 66 mag Muma kaka ochan-gi chakre bug Chakruok nyaka Fweny.
Inyalo somo Muma kaluwore gi kaka ochan gik ma ne otimore kod kinde ma ne gitimoree.
Gima inyalo timo: Apendiks A7 e Loko mar Piny Manyien nyisowa gik madongo ma ne otimore e ngima Yesu ka en e pinyka kod kinde ma ne gitimoree.
Yo mar ariyo minyalo somogo Muma en yiero sigana moro motudore gi chandruok ma in-go. Kuom ranyisi:
Be igombo bedo gi osiepe minyalo geno? Som sigand Jonathan gi Daudi. (1 Samuel, sula mar 18-20) Kae to inon kama wacho ni “Jinsi ya Kupata Marafiki Washikamanifu” mondo iyud puonj minyalo tiyogo.
Be diher tego nyalo ma in-go mar kwedo tembe? Som sigand Josef mondo ine kaka nokwedo tem. (Chakruok, sula mar 39) Kae to inon kama wacho ni “Jinsi ya Kukataa Kishawishi . . . Yosefu—Sehemu ya 1” kod ma wacho ni “Ashtakiwa kwa Uwongo! Yosefu—Sehemu ya 2” mondo iyud puonj minyalo tiyogo.
Be diher ng’eyo kaka lamo nyalo konyi? Som sigand Nehemia. (Nehemia, sula mar 2) Kae to inon kama wacho ni “Mungu Alijibu Sala Yake” mondo iyud puonj minyalo tiyogo.
Gima inyalo timo: Som Muma kama okuwe, kama onge gima nyalo chochi.
Yo mar adek minyalo somogo Muma en yiero zaburi kata sigana moro, isome, kae to ipar kaka inyalo tiyo gi weche misomogo. Bang’ some, inyalo penjori penjo kaka:
HEllo Ang’o momiyo Jehova nondiko wachni e Muma?
Wachni puonja ang’o e wi kido mag Jehova kata yo motimogo gik moko?
Ere kaka anyalo tiyo gi wechegi e ngimana?
Gima inyalo timo: Ti gi gocho mar puonjruok mar New World Translation mondo iyud vidio, map, kod gik mamoko ma nyalo miyo somo mari mar Muma obed mamit.