Vidio mar The Bible—Its Power in Your Life

Muma osekonyo ji mang’eny loko kit ngimagi mondo gidag e ngima maber. Gin puonj mage mag Muma manyalo konyowa mondo wanyagre gi chandruoge mwayudo e kindegi? Onge kiawa ni ibiro mor yudo dwoko mar penjoni bang’ neno vidio miluongo ni The Bible—Its Power in Your Life, ma en vidio mar ariyo e vidio adek mayudore e DVD mar The Bible—A Book of Fact and Prophecy. Bang’ neno vidioni, be inyalo dwoko penjogi?

(1) Ere kaka Muma opogore gi buge mamoko? (Hib. 4:12) (2) Ka Muma nyalo konyo ji mondo odag e ngima maber, kare ang’o momiyo chandruoge podi yudo dhano? (3) En wach mane maduong’ miwuoyoe e Muma? (4) Vidioni nowuoyo e ndiko mage e Muma manyalo konyo joma okendore mondo (a) omed bedo kawuoyo maber e kindgi (b) ging’e kaka ginyalo geng’o ich wang’? (5) Ere kaka paro ma Jakristo nigo kuom kend nyalo miyo ngima mar joot obed maber? (Efe. 5:28, 29) (6) Ere kaka Jehova keto ranyisi maber ne jonyuol? (Mari. 1:9-11) (7) Ere kaka jonyuol nyalo keto puonjruok mar joot obed mamoro joot duto? (8) Mopogore gi puonjruok Muma, ang’o kendo ma Wach Nyasaye jiwo jonyuol mondo otim ne nyithindgi? (9) Ere kaka puonj mag Muma nyalo konyo joot mondo onyagre gi weche mag yuto? (10) Gin Ndiko mage motudore gi weche ler, yedhe mamero, madho kong’o ahinya kod parruok ma kotigo to nyalo konyo e geng’o tuoche moko? (11) Gin singo mage mag Muma manyalo jiwowa ahinya? (Ayub 33:25; Zab. 145:16) (12) Ere kaka puonj mag Wach Nyasaye osekonyi loko kit ngimani mondo idag e ngima maber? (13) Ere kaka inyalo tiyo gi vidioni e konyo jomoko?