Nono DVD mar The Bible​​—⁠A Book of Fact and Prophecy

Vidio ma ikwongo nyis e DVD mar The Bible​—A Book of Fact and Prophecy moting’o vidio adek mopogore en, Mankind’s Oldest Modern Book. Bang’ neno vidioni, dwokuru penjo maluwogi:

(1) Gin weche mage ma Muma kod sayans ma kindegi winjoree? (2) Ere kaka wanyalo bedo gadier ni Muma mayudore e ndalowagi oting’o weche ma ne okwong ndiko chon? (3) En wach mane maduong’ mayudore ei gigo ma ne ondikie Muma chon? (4) Ere kaka John Wycliffe, Johannes Gutenberg, William Tyndale, John Hus, Martin Luther, Casiodoro de Reina, kod Charles Taze Russell, ne okonyo e miyo Wach Nyasaye olandore e piny mangima, to kanisa ne okwedo Muma nade? (5) Ere kaka puonj manie Muma osekonyo ji e kedo gi chandruoge mag tuoche (Zab. 34:8), weyo tuke mag loyo mich kuom hawi (1 Tim. 6:9, 10), konyo jogo mopogo dak ma kendgi chiegni kethre kod tang’ ne nindruok oko mar kend (1 Kor. 13:⁠4, 5; Efe. 5:28-33), kod ritruok ne tim manyo mwandu ahinya (Math. 16:26)? (6) En ang’o manyiso ni tiyo gi puonj mag Muma nyalo konyo ng’ato e weyo sigu mag ogendini,mag anyuola kata mag dhoudi (Luka 10:27)? (7) Luwo puonj mag Muma osekeloni mor ahinya e yore kaka mage? (8) Ere kaka inyalo tiyo gi vidioni e konyo jomoko?​​—⁠Ne Tijwa mar Pinyruoth ma Februar 2006 (Swahili), ite mar 8.