Be Irangoga Bod?

Kinde ka kinde, jodongo, jokony tich, kod jomamoko ma nigi migepe e kanyakla rangoga bod moting’o weche mondo ging’e kaka chenro obet. Kata kamano, bodno ok oting’o mana chenro mag migepe kende—oting’o weche mamoko bende ma nyalo konyo ji duto e kanyakla. Kuom ranyisi, be ing’eyo chieng’ ma grubu timoe ler? Be dibed ni jarit-alwora kata ofis ooro ne kanyaklau barua moro? Be idwaro ng’eyo wi twak mar ji duto ma jumani mondo igwel jal mipuonjorigo Muma? Be dibed ni nitie lokruok moro mosetim e chenro mar chokruok kata e grubu mar lendo? Weche ma kamagi tinde ok landi e chokruoge, to bende ok yot mondo jodongo onyis jalendo ka jalendo. Omiyo, nyalo bedo maber ka warango bod mar weche kinde ka kinde. Ka watimo kamano, wabiro konyo e miyo chenro duto otimre “maber kendo makare.”—1 Kor. 14:40.