Chenro ma Konyo Joma Dwaro Bedo Jopainia Mapile

Mondo ng’ato obed painia mapile, nyaka obed gi chenro maber. Kapo ni ilendoga kuom seche 18 e juma, inyalo bedo painia mapile kendo pod inyalo yudo thuolo mar timo gik mamoko! Bedo gi chenro ma kamano nyalo miyo idhi nyime bedo painia kata obedo ni nitie gik ma nyalo timore apoya kaka tuwo kata ka kor lwasi rach. Chat man piny kaeni nyalo konyo jolendo ma tiyo kuom odiechienge moko e juma, jolendo ma ondik e tich to ok yud thuolo e kor juma, kata jolendo ma tuwore. Ka utimo lokruoge moko e chenrou, samoro achiel kuom joodu nyalo bedo painia e dwe mar Septemba. Donge unyalo wuoyo e wi wachni e lamo maru mar joot maluwo?