SOMO NAMBA 2

Wuoyo e Yor Mbaka

2 Jo-Korintho 2:17

GIMA INYALO TIMO: Wuo kaka iwuoyoga pile kendo e yo ma nyiso gadier kaka iwinjo e chunyi e wi wach miwuoye.

Tim ikruok maber kendo ilem. Lem mondo Jehova okonyi keto pachi e wach mibiro wacho to ok luoro minyalo bedogo. Ng’e weche madongo monego iwuoye. Wuo kitiyo gi wecheni iwuon kar somo kata wacho weche kaka ondikgi.

Ka po ni ibiro somo kamoro e Muma kata e bugewa, tem mondo iike chon mondo isome maber. Ka isomo weche ma jomoko owacho achiel kachiel, somgi e yo ma winjore maler ma ok imedoe tugo mang’eny.
Wuo gi chunyi duto. Par gimomiyo jowinjo onego ong’e weche midwaro wachogo. Ket pachi kuom jowinjo. Yo michung’go, kod kaka itiyo gi ranyisi mag del biro nyiso okang’ midewogigo.

Wuoyo e yo mapile ok nyis ni koro iwuo e yo ma ok nyis luor. Mi ote ma in-go luor kuom wacho weche kaka dhou ketogiga.
Ng’i jowinjo. Sama igolo twak, ng’i ng’at achiel kae to idhi e ng’at machielo kar bayo abaya wang’i kuom ji duto.