Damdawi Lam Thila Rîkrum Thil Atân I Inbuatsaih Em?
Hriat lâwkna awm hlek lovin damdawi lam thilah rîkrum thil a thleng thei a. (Jak. 4:14) Chuvângin, mi hmanghria chu chutiang hun atân a lo inbuatsaih lâwk a ni. (Thuf. 22:3) Damdawia inenkawlna i pawm theih tûrte chungchângah thu tlûkna siamin, chûng chu i ziak chhuak tawh em? Nangmah ṭanpuitu tûrin, “Thisen Them Te Tak Tê Tête leh Mahni Thisen Hmanga Inenkawl Chungchâng Engtin Nge Ka Thlîr Ang?” tih thuziak chu November 2006 chhuak Kan Lalram Rawngbâwlna-ah tihchhuah a ni.
Advance Health Care Directive card chu inah ziak khah theih a ni a; mahse, thuhretu pahnih hma ngeiah lo chuan hming sign emaw, date emaw ziah khah loh tûr a ni. Group overseer emaw, upa dang tuemaw ṭanpuinain Kingdom Hall-ah ziah khah theih a ni bawk. Card-a târ lan “STATEMENT OF WITNESSES” nêna inmila hming sign leh hriatpuitu neih chu thil pawimawh tak a ni a. Group overseer-te chuan card thar la ziak khat ve lote’n ṭanpui an mamawh leh mawh loh an enfiah zeuh zeuh tûr a ni. Card hi kum tina ziah khah thar zêl tûr a ni. Thuchhuahtute chuan a xerox ni lovin, a original ngei an pai tûr a ni bawk.
Inenkawlna ṭhenkhat pawm leh pawm loh chu chhia leh ṭha hriatna azir a nih avângin, chu mi chungchânga thu tlûkna siam nân rîkrum thil a thlen hun chu nghâk kher suh. Chu card-a thu chuang English-a inziakte chu i hre thiam lo a nih chuan, khawngaihin kohhrana mi English thiam tuemaw chu chiang taka hrilhfiah tûr chein sâwm ang che. Mi dangte tih dân la chhâwng mai lovin, thuchhuahtu dangte chuan thisen hmanga damdawi lam inenkawlna leh thisen them chungchâng chu ngun taka ngaihtuahin, thutlûkna an siam ṭheuh tûr a ni. He mi chungchânga engkim hre chianga thu tlûkna siam tûr hian “Pathian Hmangaihna” tih lehkhabu, bung 7-na (English) leh November 2006 chhuak Kan Lalram Rawngbâwlna kârzeh chuan a ṭanpui ang che. Baptisma chang tawh i nih chuan, i duh thlanna chu Advance Health Care Directive card-ah chuan târ lang la, chu card chu engtik lai pawhin ak reng ang che.
[Phêk 3-naa thu lâk chhuah]
Damdawia inenkawlna i pawm theih tûrte chungchângah thu tlûkna siamin, chûng chu i ziak chhuak tawh em?