“Mi Zawng Zawng Hnênah” Thu Hril Rawh
1. Mi themthiam tak leh chanchin ṭha hriltu thiam tak chuan inanna eng nge an neih?
1 Kut themthiam tak pakhat chuan hmanrua tam tak a neihte chu a hman hun leh an hman dân tûr a hria a. Chutiang bawkin, chanchin ṭha hriltute kan nih anga kan rawngbâwlna hlen chhuak tûra min ṭanpui tûrin hmanrua chi hrang hrang kan nei a ni. Entîr nân, ‘mi zawng zawng hnêna’ thu hrilh nâna min ṭanpuitu atân thu chi hrang hrang chuanna brochure-te chu tih chhuah a ni a. (1 Kor. 9:22) Tûn ṭuma kârzeh hian hêng brochure-te zînga ṭhenkhat chu tute tâna buatsaih nge a nih tih leh, a sem chhuah theih dânte a târ lang a ni.
2. Rawngbâwlnaah eng hunah nge brochure kan hman ang?
2 Brochure Hman Hun Tûr: Mi themthiam tak chuan a ṭangkai dân tûr azirin a hmanrua chu a hmang ang. Chutiang bawkin, brochure-te chu a sem chhuahna tûra tih hunah chauh ni lovin, tuemawin ṭangkaipui dâwna kan hriat apiangin kan sem thei a ni. Entir nân, Bible Zirtîrna lehkhabu sem hun a nih a, mi tam takin Bible an ngaihsak lohna Kristian sakhaw vawn lohna rama awm kan nih chuan, brochure inâwm tak sem chhuaka an tuina kan chhawmnunsak hnua Bible Zirtîrna lehkhabu hmêlhriattîr chu a ṭangkai thei ang.
3. Kan thu hrilhna hmanruate chu engvângin nge thiam nâl taka kan hman ang?
3 Pathian Lehkha Thu chuan hnathawhna lama mi taima leh themthiam chu a fak a. (Thuf. 22:29) Tûn laiah ‘chanchin ṭha kawnga puithiam hna,’ a nih loh leh rawngbâwlna thianghlim aia hna pawimawh zâwk a awm lo. (Rom 15:15, 16) “Hnathawktu, thutak thu fel taka hmang chu zak tûr a ni lo angin,” kan hmanruate thiam nâl taka hman chu kan tum ang.—2 Tim. 2:15.