Bible Ṭanchhan Zawhnate Chhânna
Krista lo kal lehnain a tum chu eng nge ni?
C.E. 33 kuma Isua Krista vâna a chhoh hma khân, a lo kal leh tûr thu a tiam a. Ani chu hun rei tak a thangbo hnua lal ang thu neihna nêna lo kîr leh tûr mi ṭha angin a in sawi a. Isua lo kal lehnain a tum chu mihringte hnêna sawrkâr ṭha tak pêk hi a ni.—Luka 19:11, 12 chhiar rawh.
Isua chuan mihringte tân sawrkar ṭha a rawn din ang
Eng ang taksa puin nge a lo kal ang? Ani chu hmuh theih loh thlarau mia kaihthawh a ni. (1 Petera 3: 18) Tichuan, vânah Pathian dinglamah an han ṭhu a. (Sâm 110:1) A hnu hun rei takah, Isua chu mihringte chunga rorêl tûra thu neihna petu “Hmâkhawsânga,” Pathian Jehova hmaa hruai a ni. Chuvâning, Isua lo kal lehna chu mihring ang ni tawh lovin, hmuh theih loh Lal angin a ni ang.—Daniela 7:13, 14 chhiar rawh.
Isua chuan a lo kal leh hunah eng nge a tih ang?
Isua chuan hmuh thei lova a vân tirhkohte nêna a lo kal leh hunah chuan mihringte chungah ro a rêl ang a. Mi suaksualte a tiborâl ang a, mahse Lal anga amah pawmtute chu chatuana nunna a pe ang.—Matthaia 25:31-33; Thufingte 2:22 chhiar rawh.
Lal anga Isua rorêlna chuan lei hi paradis-ah a chantîr ang a. Mitthite pawh lei Paradis-a hlim taka an nun theih nân a kaitho vang.—Sâm 37:29; Johana 11:25 chhiar rawh. (w13-E 12/01)