March 22 Aṭanga Inṭan Hriatrengna Sâwmna Campaign

Kumin hian Hriatrengna inkhâwma lo tel tûra mite kan sâwmna campaign chu March 22, Inrinni aṭangin a inṭan a. Mi tinte chu theih tâwp chhuaha sâwmnaa tel tûra fuih kan ni. Chawlhkâr tâwpah a rem chuan magazine chhuak thar berte pawh kan sem chhuak bawk ang. April thla Inrinni hmasa berah chuan Bible zirpuina neih ṭan tum aiin sâwmnate sem chhuah chu kan ngai pawimawh zâwk ang a. Mahse, tuina lantîr zual bîk tuemaw kan tawng a nih chuan Bible zirpui ṭan chu kan tum thei reng a ni. Service overseer chuan kohhrana mite’n thu hrilhna biala mi a tam zâwkte hnêna thu an hrilh theih nân vântlâng thu hrilhna hmuna sâwmna sem chhuah tûr a nih leh nih lo chu a ruahman thei a. Chhûngkhat te, hna thawhpui te, school kalpui te, tlawhkîr te, leh i sâwm duh hmêlhriat dangte chu ziak chhuak nghâl la, campaign ṭan hunah sâwmna pe ang che. Hmangaihna lantîrna ropui ber pahnih, Hriatrengna kan hmanna chu mi tam tak min hmanpui kan beisei a ni.—Joh. 3:16; 15:13.