JW Library I Hmang Em?

JW Library hi a thlâwna download theih software application a ni a, he app hmang hian phone, tablet, leh computer-ah Bible te, thu leh hla chhuah dangte, video-te, leh audio program-te chu i download thei a ni.

I NEIH THEIH DAN: Online la, app store aṭangin JW Library chu install rawh. He application hi device chi hrang hrangah a hman theih a. I online hnuah he app hi hawng la, tichuan i download duhte chu thlang rawh. Inah internet i hman theih loh pawhin, a awmna Kingdom Hall-ah te, vântlâng library-ah te, a nih loh leh internet hman theihna hmun dangahte chuan i kal thei ang. Thu leh hla chhuahte i download tawh chuan en leh nân Internet a ngai tawh lo. JW Library-ah hian thil tharte belh chhah zêl a nih avângin, chûng chu i neih theih nân update theiha a awm hunah a khât tâwka online-in i update a ngai ang.

ENGAH NGE I NEIH ANG? JW Library hi mi mala inzir nân leh kohhran inkhâwm laia lo en ve zêl nân a remchâng hle a. Rawngbâwlna atân pawh a ṭangkai bawk a, a bîk takin tawnchawpa thu hrilhnaah a ṭangkai lehzual a ni.