JW Library Hman Dân

INZIR NAN:

• Bible leh ni châng chhiar nân hmang rawh

• Yearbook te, magazine te, leh thu leh hla chhuah dangte chhiar nân hmang la. Bookmark hmang rawh

• Kohhran inkhâwmte atâna inbuatsaih nân hmang la, a chhânnate chu highlight rawh

• Video-te en nân hmang rawh

INKHAWMNAAH:

• Thusawituin a sawi Bible chângte chu zawng la. Bible chânga lêt leh nân history hi hmang rawh

• Inkhâwmnaah thu leh hla chhuahte a bua ken ṭeuh ai chuan, thusawite lo en nân leh hla sak nân phone emaw, tablet emaw chu hmang ang che. JW Library-ah hian a bua la neih loh hla tharte pawh a awm

RAWNGBAWLNAAH:

• Tuina nei tuemaw hnênah JW Library-a thu leh hla chhuahte chu hmuhtîr la, a phone emaw, tablet emawa he app leh thu leh hla chhuahte download tûrin ṭanpui ang che

• Bible chângte zawn hmuh nân thu zawnna hi hmang rawh. Ṭawngkauchheh pakhat chu New World Translation-ah i hmu lo a nih chuan, Reference Bible-ah thlâkin zawng leh rawh

• Video chhuah nân hmang rawh. In neitu chu naupang nei a nih chuan, Jehova Ṭhian Ni Ang Che tih video-te zînga pakhat chu chhuahsak ang che. A nih loh leh, Engvângin Nge Bible I Zir Ang? tih video chu Bible zir duhna a neih theih nân chhuahsak rawh. Ṭawng dang hmang a nih chuan, ama ṭawnga chhuak video pakhat chhuahsak ang che

• A hmaa i lo download tawhsa ṭawng dangin Bible châng pakhat hmuhtîr rawh. Bible-ah kalin, a bung leh châng hmet la, ṭawng danga hawnna tûr icon chu hmet zeuh rawh