Kʼoantjaiyajin je kjoajtín xi sʼená nga jinle xomana

Fitsʼiakjoanni xomana 3 sá septiembre, je kjoajtín Nga chotʼaya Biblia alikui tikan aon minuto kjoaʼani, jebasen ora kjoaʼa. Kʼianga sʼa kʼoetsʼiakao je ndsʼee xi koandiaa kjoajtín jebi, jngo minuto kʼoakuitso jme xi jaʼa xomana xi jaʼato. Kʼoa je Kjoajtín xi tsoyaná josʼin si̱xálee Niná alikui tikanxjaʼaon minuto kjoaʼani, tobasen orasa kjoaʼa. Je én xi sʼejintokoán alikui tikjoaʼani. Tsa jme xi nʼio machjén nga sʼe̱jintokoán kʼiaa kʼoakʼuínná nga jekjoetʼa kjoajnda xi fitjasʼenkaoñá Kjoajtín xi tsoyaná josʼin si̱xálee Niná. Sakʼoa tsín jme én xi sʼe̱jintokoán, nga̱ tsín tikui kʼoakʼuínniná joʼmi xi chótʼayá jokji tse sʼe̱jna kjoajtínná. Alikui tikʼoaxki̱ni jña kuitjoñá nga koanngínkʼinyasoán nga xki̱ xomana kʼoa ʼya xi bʼakaole nga sitsje Ndʼia jña chotʼayá. Kʼoati likui tjínnele kʼoaxki̱ tsa ʼya xi kjoatiʼnda síkasén (km-S 10/08 p. 1 párr. 4). Kʼiatsa nʼio tse mani je én xi sʼe̱jintokoán, koaan tongini kʼoakʼuínle je ndsʼee xi bʼakaole kjoanokjoaya xi fisani ánni nga sichoayasíni kjoanokjoayale.