Jósʼin si̱chjén je libro Jmé kjoanni xi bakóya je Biblia (xi choa ñʼai)

Je libro What Can the Bible Teach Us? mangóson kao libro Jmé kjoanni xi bakóya je Biblia kʼoa nga jao libro jebi sʼa nkjínsa én kuitjo. Jmeni xi bʼéyanajmí me tikuini kʼoa ngóson sʼin faʼaitʼa. Tonga je libro What Can the Bible Teach Us? ngisaa choa ñʼai én xi faʼaitʼa kʼoa sasa majinniná. Kʼoasʼin kisʼenda josʼin nga ngisa ngotjo koa̱njinnile je chjota xi ñʼai majinle je libro Jmé kjoanni xi bakóya je Biblia. Ya jña fetʼani libro jebi alikui tikui kjoaʼmiya xi majngokao faʼaitʼani, nota faʼaitʼa kʼoa kui bʼéyanajmí josʼin tsoya kʼanile je én xi faʼaijin nga jngó jngó kjoaʼmiya. Nga jngó jngó kjoaʼmiya likui kjoachjonangi faʼaitʼa jña fitsʼiani kʼoa jña fetʼani alikui tsa rekuadro faʼaitʼa. Kui faʼaitʼa jmeni xi tínchja̱ni jnga jngó jngó kjoaʼmiya nga tochoa én. Joni je libro Jmé kjoanni xi bakóya je Biblia nga ma fayolee chjota tokʼiani kʼoa ninga tsínkui kjimaxákao kʼoati koa̱n kjoáyolee chjota tokʼiani je libro What Can the Bible Teach Us?. Jósʼin si̱chjén jmeni xi faʼaitʼa libro jebi kʼianga kʼoailee estudio je chjota.

NGA TOCHOA ÉN: Me tojo kʼoasʼin kʼuínyalee chjota kʼianga kʼoailee estudio. Títjon kʼoéxkiaa je párrafo kʼoa kʼia koatiolee je kjoachjonangi xi faʼaitʼa. Tonga jósʼiaan kʼiatsa je chjota likui nanda majinle je én xi faʼaitʼa jmeni xi tísakóyale kʼoa tsa tsín nanda maleje̱ bʼéxkia. Koaan kui si̱chjén je libro Jmé kjoanni xi bakóya je Biblia (xi choa ñʼai) kʼoa koaan ya chjoénilee jmeni xi faʼaitʼa nga tochoa én nga kʼoailee estudio je chjota kʼoa kʼoakʼuínlee nga skan katabʼéxkia nga tojé je kjoaʼmiya. Koaan tsa 15 minuto koakoyaa nga jngó jngó tʼatsʼe jotso Biblia. Ya jñani “Nga tochoa én” tso tochoa tsoya jmeni xi tínchja̱ni je kjoaʼmiya kʼoa kuinga tjínnesínile nga nda kuijnandaa kʼoa kʼoati kuenta sʼiaan jmeni xi ñʼai male je chjota xi bʼailee estudio. Kʼoa tsa je párrafole kjoaʼmiya si̱chjén nga kʼoee estudio, ya jñani “Nga tochoa én” tso koaan kui si̱chjén nga chótʼayajin ijngokʼá.

NOTA XI FAʼAITʼA: Je én xi faʼaitʼa kʼoa jotso je nota kʼoasʼin faʼai josʼin tjío je kjoaʼmiya. Ñá xi kuixónñá tsa si̱chjén je nota kʼianga kʼoailee estudio je chjota.