Je kjoajnda xi tsʼe Niná tsjoáná kjoanʼiojin

Je Pablo kao Silas kisele je Jeobá kʼianga tjíoʼya ndoyá (Hch 16:25). Kʼoa nichxin xi jaʼato, je ndsʼee xi ya kinikatío ya ʼnde jñani kjoañʼai kinikjaʼá ya Alemania nazi jñani Sachsenhausen ʼmi kisele je Niná, kʼoa kʼoati kisʼin nga kichani ya Siberia. Choa̱ jebi kui xi bakóyaná jokji nganʼio tjínle nga jndaa kʼoa jokji tsjoánganʼioná nga kjoa bitjatojiaan xi chjotale Cristo maa.

Nichxin xi nroaján kʼoati kuitjo nga kao énná je libro xi nichjén nga jndaa xi ʼmi: Kao kjoatsjoa kuijndálee je Jeobá. Kʼianga sa̱tíoná koaan kuijndá ngatsʼiaa nga chotʼayajtían Énle Niná ya niʼyaná ánni nga to jkoaa kuinyasíñá jme xi tso (Ef 5:19). Nga kjoa kuitjátojiaan, jé nganʼiotsjele Niná sikjaʼaitsjenjinná jmeni xi tso. Nga jndalee Niná kui xi basenkaoná nga tsín chajinná kjoachoya xi tjínná. Tsjoánganʼioná nga kjoa bitjatojiaan. Kʼoa ninga nda tiyoaa, ñaki kao kjoatsjoa jndaa nga̱ tsjoa tjíole ni̱ma̱ná (1Cr 15:16; Sl 33:1-3). Kuinga kʼoénesínilee yaoná nga katamaná je xi jndalee Niná.

CHÓTSENLAI JE VIDEO JNGO KJOAJNDA XI KISIKINJELE NINGA KADENA. KʼOA XIJEKOA̱N KʼOASI JEBI:

• Jmé kjoa tíjnajin je ndsʼee Frost nga kjoajnda tsakʼéndani.

• Jósʼin tsakasenkao je ndsʼee je kjoajnda ninga ya tjío ya ʼnde jñani kjoañʼai kinikjaʼá ya Sachsenhausen.

• Kʼiáni nga koa̱n tsjoánganʼioli ji, je kjoajnda xi jndalee Niná.

• Jñánile kjoajnda xi meli nga to jkui kuinyai.