Jósʼiaan nga ndasa kʼuínyasoán: Kuijnyísjee ngatsʼi chjota xi tjín jña ʼmiyasoán

ÁNNI NGA NʼIO CHJÍNILE: Je Zacarías tongini kʼoakitso nga tojme én xi male je chjota xi tjín ngakjijnda Sonʼnde kjuinrʼoé je énnda chjotse (Zac 8:23). Tonga ʼyáni xi kuitsoyale (Ro 10:13-15). Jngoo kjoanda tjínná nga kʼuínyalee énnda chjotse ngatsʼi chjota xi tjín ya jñani ʼmiyasoán (od-S p. 84 párr. 10, 11).

JÓSʼIAAN:

• Tongini kuiyondaa. Tsa tsaojiaan chjota xi kjaʼaí én male kʼianga ʼmiyasoán, koaan si̱chjén je aplicación JW Language nga chótʼayá jokʼuínlee. Kʼoati koa̱n si̱chjén je celularná nga koakolee je chjota josʼin koasjai xo̱n xi énle nroatʼa ya jw.org.

• Kuenta sʼiaan chjota. Tsa xki̱ ndʼia tiʼmiyasoán, koaan chja̱kaonajmiá chjota xi kjoaʼatʼaná kʼoa tsa je xi karro tjíokoyale. Kʼoa tsa ya tiʼmiyasoán jña nʼio nkjín chjota tjín kuenta sʼiaan nga kui xá kamangínñá nga chjota kʼuínyalee.

• Kʼoénelee yaoná. Kuijnyísjee je chjota xi tsín kasatéjiaan ya niʼyale. Kʼoénelee yaoná nga jngo chjota chja̱kaonajmiá nga jngó jngó niʼya. Koaan kjaʼaí ora koanngián kʼoa tsa kjaʼaí nichxin koanngián. Tsakui nichxin tjínkʼa xi koa̱n xo̱n chjílee, tsa teléfono kuinókjoalee kʼoa tsa ya tsao̱jianje̱ nga tiʼmiyaa ya yandiaa.

• Tosi tonda kjuinchónlee. Kjitʼanangi kjuinchónlee xi koa̱nndosinle Énle Niná. Tsa kjaʼaí én nchja̱ je chjota, kuijnyísjee ʼya xi koa̱n kuitsoyale, xi kʼoati kui én nchja̱. Tosi tonda kjuinchónlee saʼnda nga kuichokonle ndsʼee xi kʼoati kui én nchja̱ (od-S p. 93, 94 párr. 39, 40).

CHÓTSENLAI JE VIDEO ʼMIYASONÑÁ “JÑA SAʼNDA NGA FETʼA SONʼNDE” KʼOA XIJEKOA̱N, CHÓTʼAYAJIN KJOACHJONANGI JEBI:

• 

  Jósʼin tongini tsakationda je ndsʼee kao tichjaa nga kitsoyasonle chjota xi nʼio kjintʼa tjío (1Co 9:22, 23).

• 

  Jmé xi ñʼai koanle.

• 

  Jmé kjoanichikontʼain xi kisokole.

• Jmé xi sʼiaan nga ngisa nkjín chjota koa̱nsjainá jña ʼmiyasoán.