Chjénngiaa je choa̱ xi tsakʼéjnaná Cristo

Kʼianga kjoañʼai chjaʼá kʼoa tsa chjota fitjenngikontraná machjén nga kui kjuintjenngiaa je choa̱ xi tsakʼéjnaná Jesús (1Pe 2:21-23). Kʼianga kinokjoaʼaonle Jesús alikui kʼoakitso ngajaoni, ni kʼiajinla nga kjoañʼai kinikjaʼá (Mr 15:29-32, TNM). Jméni xi tsakasenkao nga kiskale ngayeje jmeni xi koantʼain. Kuinga ñaki kʼoatsakʼé kon nga kʼoasʼin jmeni xi sasénle Jeobá (Jn 6:38). Xi ijngosani, nʼio kuenta kisʼin je “kjoatsjoa xi kisʼejna ngixko̱n” (Heb 12:2, TNM).

Jónʼia kʼianga ʼya xi totaon bená xi totʼatsʼe kjoamakjainná. Xi chjotatjenngile Cristo maa alikui kʼoanikao ngajaoñá tsaʼya xi jokasíkaoná (Ro 12:14, 17). Je Jesús nʼio tse kjoañʼai jaʼatojin tonga kichokjoajinle, kʼianga mangíntjenngiaa je choa̱le, tsjoa sʼe tokoán nga̱ ʼyañá nga Jeobá sasénle xi tʼatsaan (Mt 5:10-12; 1Pe 4:12-14).

KʼIANGA JECHÓTSENLAI JE VIDEO NGISAA CHJÍLE JE JAʼAÍNLE JEOBÁ TIKʼOAJINNI TOJMENI, CHÓTʼAYAJIN KJOACHJONANGI JEBI:

• Jméni xi kisʼin je tichjaa Poetzinger kʼianga nda kisichjén je nichxinle kʼianga toje tsakʼejnaʼya ndoyá.

• Jmé kjoa xi jaʼatojin je ndsʼee kao je tichjaa Poetzinger ya ʼnde jñani kjoañʼai kinikjaʼá.

• Jméni xi tsakinyakao nga kichokjoajinle je kjoañʼai xi kinikjaʼá.