Jósʼiaan nga ndasa kʼuínyasoán: Chja̱kaonajmiá chjota ánni nga koa̱n kʼuínyanilee énle Niná

Je Jesús koan kitsoyale énle Niná je chjoón samaritana ninga tsín ñaki kui xá tísʼín nga̱ títjonkjoanla kjaʼaí xi tsakjákaoni. Kʼoa ñá jmé xi koa̱n sʼiaan nga chja̱kaonajmiá je chjota ninga tsín ʼyaxkoaan.

• Si̱miyoaa chjota kʼoa chja̱kaonajmiá. Ningalani jekijtale Jesús, kʼianga koan tsakjákaonajmí je chjoón samaritana to nandáni kisijéle. Koaan si̱tiʼndaa je chjota kʼoa kui chja̱kaonajmíñá jochon, kʼoa tsakui jmeni xi chriansʼa kʼoakoan. Kuinga kjoásjainilee josʼiaan nga̱ kui xi mená nga chja̱kaonajmiá chjota. Alijme xi koa̱nle tsa tsín kuinchja̱najmí, kjaʼaíla xi tichja̱kaonajmíngáni. Tijélai Jeobá nga katatsjoáli kjoanʼiojin (Ne 2:4; Hch 4:29).

• Ngasin nganda chja̱kaonajmí chjota kʼoa kuenta tʼiain jokuitso ánni nga koa̱n chja̱kaonajmísíni tʼatsʼe énnda chjotse. Tsa kjoanʼio énle Niná chja̱kaoñá je chjota tochajinle tsín tikuinchja̱ni. Ali nikʼajenjin tokuin tsa tsín kama kaʼmiyai je énle Niná. Tsa ñʼai mali nga kui chjakaoni chjota, koaan tokjaʼaíla én chja̱kaonajmíni. [Takui je video 1 kʼoa chótʼayajion].

• Chósonnilai josʼin chja̱kaonajmí je chjota ánni nga koa̱n kʼuínyanilai je énle Niná. Koaan kui títjon chja̱kaoni josʼin makjainná, tochajinle kui koasenkao nga skónangi jmeni xi jao sʼe̱le. Kʼoakisʼin je Jesús, kui tsakjákaoni chjoón samaritana jmeni xi koanndosinle. Je chjoón kiskonangi kʼoa je Jesús kitsoyale tʼatsʼe Chjotaxále Niná. [Takui je video 2 kʼoa chótʼayajion. Xijekoan, kʼoati tikoai je video 3].