Xti, chja̱kaonajmío je xijcháno

Ánni ndatjínni nga kʼoéyanajmílai xijcháli jotjín tokuin (Pr 23:26). Jé Jeobá tsakánele xijcháli nga sikuindali kʼoa nga kjoenli ndiaa (Sl 127:3, 4). Kʼiatsa tsín kʼuínyalai je xijcháli jme xi makjáojinli alikuijin skoe̱ josʼin koasenkaoli. Kʼoa kʼoajin titsín jchai jokji kjoafaʼaitsjen jetjínle xijcháli. A tjínnele kʼoakʼuínlai tojmeni je xijcháli. Tsínkjoan machjén nga kʼoasʼiain, tonga alikui koa̱n kʼoéʼmalai tsa ʼyai nga chʼaotjín jme xi tinʼiai (Pr 3:32).

Kʼiáni nga koa̱n chja̱kaonajmí je xijcháli. Koaan kʼia chja̱kaonajmí nga tiyojtíon ngatsʼio. Kʼoati koa̱n jngo xo̱n chjí jñani kʼoakʼuínlai jotjín tokuin. Tonga tsakui kjoakaonajmínili jmeni xi tsín mandosinli, kuenta tʼiain nga kui xi mele nga koasenkaoli. Je xijcháli kui xi mele nga tsjoánganʼioli ali tsa kontralijin ma. Nga kʼoéyanajmílai jotjín tokuin nʼio koasenkaoli jokjitse si̱jchái yaoli ndʼaibi kʼoa tokʼia saʼndani (Pr 4:10-12).

KʼIANGA JECHÓTSENLAI JE VIDEO KʼIANGA SʼA XTI: JÓSʼIN CHJA̱KAONAJMÍ XIJCHÁLI, CHÓTʼAYAJIN KJOACHJONANGI JEBI:

• 

  Jmé xi tso je Esther kao Partik.

• 

  Jmé xi bakóyali je choa̱le Jesús.

• 

  Jósʼin tjíobakóli je xijcháli nga tsjoakeli.

• 

  Jmé kjoafaʼaitsjen xi faʼaitʼa Biblia koasenkaoli nga koa̱n chja̱kaonajmí je xijcháli.