Tisenkoai je familiali nga tsjoa katasatío kon

Kui xi mele Jeobá nga tsjoa katasatío kon nga jngó jngó familia (Sl 127:3-5; Ec 9:9; 11:9). Nga sakʼoa tsín nda nʼia kʼoa tsakuije̱ nga estrés bʼetʼaná kui xosíkaoná nga sakʼoa tsín nda satíoni tokoán. Jméni xi koasenkao je xi tjío ya yaniʼya nga tsjoa sa̱tío kon.

Je xi xʼin bexkón je chjoónle (1Pe 3:7). Síkʼayale nichxin, kuenta sʼín, tsjoále kjoanda josʼin basenkao kʼoa nga síkuinda je familiale (Col 3:15). Kʼoatsole nga tsjoake kʼoa nda síkʼaxki̱ (Pr 31:28, 31).

Je xi chjoón basenkao ngantsjai je xʼinle (Pr 31:12). Nangi bʼejnale kʼoa tsjoánganʼiole (Col 3:18). Nda tso én fákao xʼinle kʼoa nda síkʼaxki̱ (Pr 31:26).

Je xi xijchá ma síkʼayale nichxin je xtile (Dt 6:6, 7). Kʼoatsole nga nʼio tsjoake (Mt 3:17). Ngasin nganda batekjáyale kʼoa majinle kʼiáni machjén nga koatekjáyale (Ef 6:4).

Je xi xti bexkón je xijchále kʼoa sítjosonle (Pr 23:22). Bʼéyanajmíle jotjío kon kʼoa josʼin síkjaʼaitsjen. Bʼaʼén kʼianga bichakjáyale kʼoa bexkón je xijchále (Pr 19:20).

KʼIANGA JECHÓTSENLAI JE VIDEO JMÉNI XI SʼIN XI TJÍO YANIʼYA NGA TSJOA SA̱TÍO KON NGATSʼI, CHÓTʼAYAJIN KJOACHJONANGI JEBI:

Jméni xi kisʼin je familia jebi nga tsjoa kisatio kon nga jngó jngó.