Jósʼin si̱chjén je libro Koaan nda kuiyoaa

Nʼio nda tinichjén je video kao kjoachjonangi xi faʼaitʼa je libro Koaan nda kuiyoaa. Kao ya jñani “Tjínkʼa xi i̱ tso”, “Kʼoatʼiain jebi” kao “Xi koasenkaosali” tso. Jmésani xi koasenkaoná kʼianga Biblia kʼuínyalee chjota nga kui libro jebi si̱chjén (Mt 28:19, 20).

Multimedia. Kʼiatsa ñaki xo̱n xi nichjain, jñáni koa̱nsjaili ngayeje video xi faʼaitʼa libro jebi. Kʼiatsa celular kʼoa tsa tableta tíjnayali libro jebi, jngo sección chjoéjin xi ño mani. Ya tisennelai jñani “Multimedia” tso xi faʼaitʼa nangini, yaa bakó ngayeje video kʼoa jña kjoaʼmiya jaʼaitʼa je video (sén 1).

Kʼoati koa̱n tichjain jñani “Edición impresa” tso. Kʼiatsa celular kʼoa tsa tableta tíjnayali libro jebi nga tiʼmiyalai Biblia chjota, kʼoa tsa meli jchai josʼin matsen nga xo̱n, ya tisenlai jñani “Edición impresa” tso. Kʼianga jngo kjoaʼmiya tichotʼai, ya tisennelai xi̱ngi̱le jñani tjío xi jan punto kʼoa chjoéjin xi “Edición impresa” tso. Jebi koasenkaoli nga jchai je títulole jme xi tibakoyai. Nga sikjinroa ijngokʼani josʼin tíjnali, tiya tisennenilai jñani tjío je xi jan punto, tjasjai jñani “Edición digital” tso, kʼoa tsa maije̱ ya tisennelai je xi tji kji faʼaitʼa nangini.

“A jekoa̱n”. Recuadro jebi yaa faʼaitʼa jña fetʼani sección 4 kʼoa kui tsoya jmeni xi tjínnele sʼin je xi mele kuitsoyason kao je jtín kao xi mele koaisʼenngindá (sén 2).

Nota. Je nota kʼoati ya faʼaitʼa jña fetʼani sección 4 kʼoa kui tsoya jme xi nʼio tínchja̱ni je kjoaʼmiya. Kʼiatsa celular kʼoa tsa tableta tíjnayali libro, koaan ya kuisennelai jñani fetʼani nota kʼoa tiyaa kuichokaonili jñani katsjenchxʼoá (sén 2).