Jmé xi machjén nga nda kuiyoaa ya yaniʼyaná

JE BIBLIA ITSO

“Ngisa toxkón ndani je xi nrʼoé énle Niná, kʼoa xi sítjoson.” (Lucas 11:28, Nuevo Testamento en mazateco de Huautla de Jiménez, Oax.)

KJOANDA XI SʼENÁ NGA ʼYAA JEBI

Ñaki tsjoacha koaan xíngiaa (Efesios 5:28, 29).

Nʼio jchaxkoán xíngiaa (Efesios 5:33).

Jtín sʼin kuiyoaa (Marcos 10:6-9).

A KOAAN KOA̱NKJAINNÁ JOTSO JE BIBLIA

Jaon. Jaola koya kataʼyaa anni:

• Jé Niná tsakʼéndajin nga familia tjín. Je Biblia kʼoatso nga “totʼatsʼe [Niná Jeobá] nga kʼoasʼin tjínni familia” (Efesios 3:14, 15, Traducción del Nuevo Mundo). Xi tsonile, jé Jeobá tsakʼéjnabasen je familia. Ánni nga nʼio chjísínile nga ʼyaa xi tʼatsʼe jebi.

  Tikjaʼaitsjenlai jebi: Kʼiatsa nʼio nda chine je tsojmi xi tichinai kʼoa meli jchai jme xi kasʼejin, ʼyáni xi chjónangilai. Jejin xi kabʼénda.

  Kʼoakjoánti tjínni xi tʼatsʼe familia. Kʼiatsa mená jchaa jósʼin nga nda kuiyoaa ya yaniʼya machjénní nga kataʼyaa jótso Jeobá, nga̱ jé tsakʼéjnabasen je familia (Génesis 2:18-24).

• Je Niná mandosinle xi tʼatsaan. Nʼio skénndiaaná ñá kʼoa kao familianá kʼiatsa kjoásjee je kjoafaʼaitsjen xi tsjoá Jeobá xi ya Biblia faʼaitʼa, “nga̱ je tísíkuindan[á]” (1 Pedro 5:6, 7). Je Jeobá kui xi mele nga ndasʼin kuiyoaa kʼoa je kjoafaʼaitsjen xi tsjoá basenkaoná ngantsjai (Proverbios 3:5, 6; Isaías 48:17, 18).