JMENI XI CHJONANGIAA XI TʼATSʼE BIBLIA

Jósʼin tíbasenkaoná je kjoabiyale Jesús

Kʼianga kisinda Niná je chjota, kui xi koanmele nga koatio ngantsjai nichxin i̱ Sonʼnde, nga tsín chʼin sʼe̱le kʼoa nga tsín kuiyá. Tonga Adán, je chjota xi títjon tsakʼejna, jaʼatone je kjoatéxomale Niná kʼoa kisicha je kjoanda xi sʼe̱le tsakai. Kʼoa nga xtile Adán maa ngatsʼiaa, mʼeñá (Romanos 5:8, 12; 6:23). Je Jeobá, je xi ñaki Niná, kui xá kisikasénni je ʼndíle i̱ Sonʼnde nga kuiyá kʼoa nga koa̱n so̱ko ijngokʼaniná jmeni xi kisicha je Adán. (Tʼexkiai Juan 3:16.)

Xi totʼatsʼe kjoabiyale Jesús koaan cha̱tʼaná je jéená kʼoa koaan kuiyoaa ngantsjai nichxin i̱ Sonʼnde. Je Biblia kʼoatsoná josʼin kuiyoaa nga tsín tikoa̱njchíngañá, nga tsín tijme chʼin sʼe̱niná kʼoa nga tsín tikuiyáñá. (Tʼexkiai Isaías 25:8; 33:24 kao Apocalipsis 21:4, 5.)

Jósʼin tjínnele si̱kjaʼaitsjenyá je kjoabiyale Jesús

Jngo nitje̱n tongini nga kjesa nikʼienjin je Jesús kʼoakitsole je chjotale nga katasíkjaʼaitsjenya je kjoabiyale. Nga kʼoasʼin xki̱ nó nikjaʼaitsjenyá je kjoabiyale basenkaoná nga nikjaʼaitsjenjiaan jokji tsjoakená je Jesús kʼoa kao je Jeobá. (Tʼexkiai Lucas 22:19, 20 kao 1 Juan 4:9, 10.)

Je nó jebi, kʼiaa kjoaʼaítsjenya je kjoabiyale Jesús nga lune 14 sá abril kʼianga jeska̱ntjai Tsʼuí. Menajin nga kʼuín. Je testigole Jeobá xi ya tsʼe jñani tsi koaan kʼoakuitsoli jñani sʼe̱jna. (Tʼexkiai Romanos 1:11, 12.)

Tsa mesali jchai tʼatsʼe jebi, chótʼajin ya kjoaʼmiya ño kao kjoaʼmiya aon xi tsʼe libro Jmé kjoanni xi bakóya je Biblia. Jé testigole Jeobá bʼasje

Kʼoati faʼaitʼa ya Internet ya www.jw.org/mau

[Sén xi faʼaitʼa ya pájina 32]

Je Jesús kui xá kʼienni nga koa̱n kuiyoaa ngantsjai nichxin i̱ Sonʼnde. Jósʼin fiya jkui ji, jósʼin kuiyoaa nga jesʼe̱ kjoabijnachon xi tsínkʼia fetʼa