XI NGISA TÍNCHJA̱NI REBISTA JEBI: ʼYÁ CHJOTANI JE TESTIGOLE JEOBÁ
Ánni nga ʼmiyasonnijin
Tsakui nichxin xi ngisasa ʼyaninajin kuinga ʼmiyasuinjin. ʼMiyaníjin xki̱ niʼya, ʼmiyaníjin jñani nkjín chjota faʼa kʼoa tojñani tjín chjota. Ánni nga kʼoanʼianijin.
Kʼianga kʼoasʼin ʼmiyasuinjin jé Niná chʼasjengʼaijin kʼoa bʼejnatsenníjin jaʼaínle (Hebreos 13:15). Kʼoati kui nitjosuinjin jmeni xi kitso je Jesucristo nga i̱ kitso: “Tangíon, tinyaʼao ngatsʼi naxinandá, tikinjao chjota tʼatsʼan [...]. Takoyalao nga katasítjoson ngayije kjoa xi an tsakʼeneno” (Mateo 28:19, 20).
Kʼoati kuinga tsjoachaijin chjota nga ʼmiyasonnijin (Mateo 22:39). ʼYaníjin nga tjínle relijiónle nga jngó jngó chjota kʼoa nga tsín tsa tongatsʼi nga kjuinrʼoénajin. Tonga ʼyaníjin nga koa̱n kuitjontjaile yaole je chjota xi kjuinrʼoé je Énle Niná. Kuinga tosi tonda ʼmiyasonnijin tojo kisʼin je chjotale Cristo xi títjon tsakatio nga “nitokʼiajin tsakatiojyo nga tsakakóya, kʼoa nga kinchja̱ya tʼatsʼe Jesús” (Hechos 5:41, 42).
Je chjota sociólogo xi Antonio Cova Maduro ʼmi kʼoakitso “jokji bʼénele yaole je testigole Jeobá, alikui kui fini ninga nʼio kuijtale tojoni nga sʼe̱jinle Énle Niná je chjota saʼnda jña nʼiosa kjintʼa”. (Periódiko El Universal, Venezuela)
Me ngatsʼi chjota xi bʼéxkia xo̱n jebi xi tsín tsa testigole Jeobá ma. Kʼoati miyón mani chjota xi kjaʼaí relijión tjíojin xi ʼmiyalaijin Biblia, xi mele nga jngo testigole Jeobá kuitsoyale.
Tsakui nichxin mesali jchai xi tʼatsainjin. Nkjín koya josʼin koa̱n jchasai, tobʼelañá:
Jngo testigole Jeobá chjónangilai.
Titjásʼain ya jw.org, pájina xi tíjnanajin ya Internet.
Tʼin nga satíonajin kjoajtín. Alikui machjí kʼoa koaan kuicho toʼyani.