Los testigos de Jehová: una historia de fe viva. Parte 1: Salen de la oscuridad
Ya Biblia, je xi kjoakixi kjoaʼisen tsoyanile kʼoa je kjoandiso kjoanjio tsoyanile (Sal. 43:3; Isa. 5:20). Kʼianga tsakʼanachale Eva je Na̱i kʼiaa kinroatsʼiani nga jinnjio tsakatiojin je chjota. Kʼoa ndʼaibi kʼoasʼin tjío ngatsʼi chjotasonʼnde (Apo. 12:9). Je pelíkula xi ʼmi Los testigos de Jehová: una historia de fe viva. Parte 1: Salen de la oscuridad kui bʼéyanajmí josʼin sa nda sa nda kisʼejnatsen je énle Niná (Isa. 60:1, 2). Kʼianga jechótsenlao pelíkula jebi, tijinlao yaono je kjoachjonangi xi faʼaitʼa ibi.
1) Jókoannile nga sa tse sa tse kjoanjio tsakatiojinni je chjota kʼianga jekʼien ngatsʼi je pastro. 2) Kʼianga jejaʼato nó 1100, jósʼin tsabeni chjota nga to énndiso tjíobakóya je yo̱ngo̱ xi tjío nga kui nichxin. 3) ʼYáni xi Henry Grew kʼoa xi George Storrs tsakʼin. 4) Jméni xi koan xi nʼio kisikjaʼaitsjenjin Charles Russell. 5) Jósʼin kiskotʼaya Biblia je Russell, nʼaile kao kʼasa chjota xi bexkon. Kʼoa jméni xi koanjinle nga kʼoasʼin kiskotʼaya. 6) Jókoanni nga je jtín xi tíjnale Russell ya kisijngokaoni yaole je jtín xi tíjnale je chjota xi Nelson Barbour tsakʼin. Kʼoa ánni nga tsakinyaxinnile xínkjín nga jekoanni. 7) Jméni xi koan kʼianga sá julio nó 1879 xi kui tsakʼétsʼiakaoni nga kisʼejnatsen ijngokʼa énle Niná. 8) Fitsʼiakjoanni nga kʼia, jméni xi kisʼin je Chjota xi kotʼaya Biblia nga kisikʼabíson énnda chjotse. 9) Je Chjota xi kotʼaya Biblia, jméni xi tongini tjíokoyale nga koa̱n nó 1914. 10) Kʼianga jekʼien Russell, jósʼin kichotʼayakao kjoamakjainle je Chjota xi kotʼaya Biblia. 11) Jmé xi kisʼin je Chjota xi kotʼaya Biblia kʼianga jekitjoni ndoyá Rutherford kao xi ya binyakao. 12) Jósʼin tsakasenkaono pelíkula jebi nga ngisa tsaʼyachjío je naxinandále Jeobá. 13) Jósʼin kitsjoanganʼiono pelíkula jebi nga tosi tonda kao kjoatsjoa kʼuínyason énnda chjotse ninga kjoa kuitjátojion. 14) Jósʼin si̱chjaon pelíkula jebi nga kuinyakao xíngio, je chjota xi ʼmiyalao Biblia kʼoa kao je chjota xi kjaʼaí.
A tsí nʼio chjíle jme xi kisʼin je chjota xi kiskotʼaya Biblia, nga kʼoasʼin tsakʼéjnatsenná jokjoantjínni énle Niná. Ninga ñaki jinnjio tjíojin chjota nichxin nga tsakatio, nʼiojin koan kʼoa nʼio tsakʼénele yaole nga kisiʼisenle chjota. Chjénngia choa̱le kʼoa tosi tonda kʼoasʼin kuitsomaa “joni tsa ʼndíle” kjoaʼisen (Efe. 5:8).