Los testigos de Jehová: una historia de fe viva. Parte 2: Dejan brillar su luz
Kʼianga nó 1919, nga jekitjoni ndoyá je Rutherford kao xi ya binyakao, jngo xá xi nʼio tse tíjna tsakʼétsʼiakao je Chjota xi kotʼaya Biblia. Je pelíkula xi ʼmi Los testigos de Jehová: una historia de fe viva. Parte 2: Dejan brillar su luz kui bʼéyanajmí nga nkjín chjota kitjenngikontrale, nga ngisa nda koanjinle Énle Niná kʼoa nga koantajasa kjoamakjainle (Pro. 4:18; Mal. 3:1-3; Juan 15:20). Kʼianga jechótsenlao pelíkula jebi, tijinlao yaono je kjoachjonangi xi faʼaitʼa ibi.
1) Jméni xi kisichjén je Chjota xi kotʼaya Biblia nga kisikʼabíson je énnda chjotse. 2) Jmé én xi kisʼejintokon je naxinandále Niná je kjoajtíntse xi kisatio nó 1931 kao nó 1935. 3) Jmé én xi nʼio chjíle kitsoya je rebista La Atalaya xi tsʼe 1 de noviembre de 1939. 4) Jméni xi koan kʼianga títsjoá je kjoanokjoaya xi “Gobierno y paz” ʼmi je Rutherford ya Madison Square Garden. 5) Ánni nga nʼio kisʼesínile kjoandosin je kjoanokjoaya xi “Paz... ¿será duradera?” tsakʼin, xi kitsjoa Nathan H. Knorr. 6) Jmé xi kisʼin je testigole Jeobá kʼianga nó 1942 nga nkjínsa ʼnde koakoyason. 7) Tikʼaxki̱ kʼai je kjoa xi kisʼele je testigole Jeobá ya Estados Unidos, Canadá kao Grecia xi saʼnda ngixko̱n kjoatéxoma kichomani. 8) Jósʼin ngisa tinʼio tsʼabísonngáni je énnda chjotse nga jekisʼejna Skuela xi tsʼe Galaad. 9) Jméni xi kʼia tsakʼétsʼiakao je testigole Jeobá nga nó 1946 kʼoa ánni. 10) Jméni xi kisʼin je testigole Jeobá kʼianga ngisasa nda kitjenngi je kjoatéxomale Niná. 11) Kʼianga jejaʼato nó 1970, jméni xi kisikʼantjaiya josʼin tísíxá tsakai je naxinandále Jeobá kʼianga ngisa koa̱nngósonkao Biblia. 12) Jósʼin kisichoyano pelíkula jebi nga tsʼe Jeobá je naxinandá jña tiyojiaan kʼoa nga ñaki je tíbándiaale. 13) Jósʼin kitsjoanganʼiono pelíkula jebi nga tosi tonda kao kjoatsjoa kʼuínyason énnda chjotse ninga kjoa kuitjátojion. 14) Jósʼin si̱chjaon pelíkula jebi nga kuinyakao xíngio, je chjota xi ʼmiyalao Biblia kʼoa kao je chjota xi kjaʼaí.
Nga jngó jngó nichxin faʼato sa matse sa matse jme xi tjíosʼín je testigole Jeobá. Kʼiatsa sʼe̱tʼaxo̱nlani jmeni xi tinʼia nga jngó jngoá nga kʼoasʼin tibʼenelee yaoná nga tiʼmiyasoán, jmé xi sʼe̱tʼaxo̱n. Tojo kisʼin je ndsʼee xi tsakatio ngasʼa nga kisiʼisenle chjota, tosi tonda kʼoasʼiaan tsanda ñá (2 Cor. 4:6).