Josʼin koa̱n sʼeyo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá agosto

“Kʼianga síkjaʼaitsjen chjota je Jesús jo ʼndílee kji maale kʼoa tsamaije̱ kʼoasʼin fiya jko̱ nga yá kijnatʼa kʼoa kjoañʼai tífaʼá, tojo koa̱n nichxin kjoan jao jmi nó ján. Jméni xi tísʼín ndʼaibi je Jesús jósi ngái ji. [Tʼaiʼndelai chjota nga katanchja̱.] Koakolale jotso rebista jebi.” Jngo rebista La Atalaya xi tsʼe 1 de agosto takolai, kʼoa tʼinyalai je párrafo xi títjon xi faʼaitʼa ya pájina 16. Tʼexkialai ninga tojngo testo xi ya faʼaitʼa. Tjayolai rebista kʼoa kʼoatʼinlai nga kʼuínchon ijngokʼalai nga chótʼayao jmeni xi kjonangi je párrafo xi majaoni.

La Atalaya 1 de agosto

“Nʼio nkjín chjota xi makjainle nga tojo tjín kjoaxkón ndʼaibi, jolani nga síndaya chʼinle xínkjín chjota nga tso. A kʼoama kjoaixi jósi ngái ji. [Tʼaiʼndelai chjota nga katanchja̱.] Tonga ya Biblia kʼoatso nga kʼoakoa̱n nichxin xi nroaján kʼoa nʼio nkjín chjota xi tjíotsjoále kjoachoya én jebi [tʼexkia jngolai testole Biblia xi faʼaitʼa ya pájina 9 kao 10]. Rebista jebi jan koya faʼaitʼa jmeni xi tso chjota xi tʼatsʼe jebi.”

¡Despertad! Agosto

“Nichxin xi tiyoaa ndʼai, nʼio nkjín chjota xi tsokjón nga toje bitjo niʼyale kʼoa ngisa nga jemanjio. A koaan jme xi sʼiaan ñá nga tsín tinanda kjoatsʼen katasʼeni. [Tʼaiʼndelai chjota nga katanchja̱.] Rebista jebi kui bakóyaná jmeni xi koa̱n sʼiaan nga jngó jngoá kʼianga katasʼe kjoanyʼán. Kʼoati tsoya josʼin kuitjoson én jebi xi tongini kinokjoa [tʼexkiai Salmo 72:7].”