Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá agosto

“Me ngatsʼi chjota nga bʼétsʼoale Niná. Saʼnda je chjota xi kʼoatso nga tsín makjainle tʼatsʼe Niná, kʼoaniti bʼétsʼoale kʼianga kjoa faʼatojin. A nrʼoéle tsokʼoa je Niná ngatsʼi chjota xi bʼétsʼoale.” Xi jekuinchja̱ chjota, takolai ya jto̱n yátsʼi̱n je Xo̱n xi Bájinkonná xi tsʼe 1 sá agosto. Tʼinyalai je kjoachjonangi xi títjon faʼaitʼa kao párrafole kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Nota: Jngo xíngiaa katabakóchoya jebi kʼianga kuitjokʼinyasoán nga 3 sá agosto.

Xo̱n xi Bájinkonná 1 sá agosto

“Nʼio nkjín chjota xi nʼio makjaojinle nga kʼoasikji tjín je xi pornografía ʼmi. Tonga kʼoati tjín xi kʼoatso nga tsín jme xi chʼaotjín nga kui chotsenlee. Jósʼin jchañá jñánile xi kʼoatjín jotso chjota. [Tʼaiʼndelai chjota nga katanchja̱.] Je Jesús kʼoakitso josʼin jchañá je xi ndatjín kao je xi chʼaotjín, kʼoakitso nga kui xi kuenta sʼiaan josʼin bichótsjoá jmeni xi nʼia [tʼexkiai Mateo 7:17]. Rebista jebi kui tsoyaná josʼin bichótsjoá nga pornografía chotsenlee. Kʼoa kʼoati tsoya jméni xi koa̱n sʼin tsa ʼyani xi mele sikʼéjna kjoa jebi.”

¡Despertad! Agosto

“Me ngatsʼiaa nga mená nga ngisa tse kuiyoaa. Jósi, a chan koa̱nsjaile tsokʼoa je chjota xi nʼio chjine nga koa̱n kuiyoaa ngantsjai nichxin. [Tʼaiʼndelai chjota nga katanchja̱.] Kataʼyala jmeni xi tso je Niná nga sʼin nichxin xi nroaján [tʼexkiai 1 Corintios 15:26]. Tonga jósʼin Niná nga kjoaʼaxin je kjoabiya. Jméni xi sichjén. Xi ijngosani, ánni nga majchíngasíñá kʼoa nga biyasíñá. I rebista jebi kuitsoyali jotso je Biblia xi tʼatsʼe jebi.”