Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá septiembre

“ʼNdali. Kui tichjakaonijin je xíngiaa jmeni xi koa̱n sʼin xi jechixan nga ndasʼin koatiokao xínkjín. Jósi ngái ji, jméni xi ngisa ñʼai male xi jechixan nga ndasʼin batiokao xínkjín.” Xi jekuinchja̱ chjota, takolai ya jto̱n yátsʼi̱n je Xo̱n xi Bájinkonná xi tsʼe 1 sá septiembre. Tʼinyalai je kjoachjonangi xi títjon faʼaitʼa kao párrafole kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá septiembre

“Nʼio nkjín chjota xi kjonangi ánni nga títsjoáʼndesíni Niná nga kʼoasikji kjoañʼai tjín Sonʼnde. A sakʼoa kʼoati chjonangilai yaoli tsanda ji. [Tʼaiʼndelai chjota nga katanchja̱.] Tonga je Biblia jngo én xi nʼio naskánatso bájinkonná. Kʼoatso nga kjoaʼaí nichxin nga tsín tiʼya xi skíʼndáni kʼoa nga tsín tiʼya xi aon koa̱nnile [tʼexkiai Apocalipsis 21:4]. Rebista jebi aon koya tjínni xi tsoyaná anni nga kʼoasikji kjoa kao kjoañʼai tjínsíni i̱ Sonʼnde. Kʼoati bakóya jósʼin kjoaʼaxin Niná ngayeje kjoa jebi.”

¡Despertad! Septiembre

“ʼNdali. Jósi ngái ji, ánni nga nʼio ñʼai masínile xi jechixan nga síchatʼale xínkjín kʼianga kjoa sʼele. [Tʼaiʼndelai chjota nga katanchja̱.] Koakolale jósʼin basenkaoná kʼianga maná nichatʼalee xíngiaa [tʼexkiai Colosenses 3:13]. Je rebista jebi kui bakóya jmeni xi koa̱n sʼin xi jechixan.”