Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá marzo

“Kui xá jaʼaichonnilaijin tʼatsʼe nga kjoaʼaítsjenya je kjoabiyale Jesucristo. Nó jebi kʼiaa kʼoakaole nga 14 sá abril. Nʼio nkjín chjota xi kʼoasʼin koa̱nña nga sikjaʼaitsjenya je kjoabiyale Jesús nga̱ kʼoasʼin makjainle nga nʼio chjíle, tonga tjínkʼa xi tsín nʼio tsjoále kjoandosin. Jósi ngái ji, a basenkaoná nga jngó jngoá je kjoabiyale Jesús.” Xi jekuinchja̱ je chjota, takolai ya jto̱n yátsʼi̱n je Xo̱n xi Bájinkonná xi tsʼe 1 sá marzo. Tʼinyalai je kjoachjonangi xi títjon faʼaitʼa kao párrafole kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá marzo

“Nʼio nkjín chjota xi kui kjonangi ánni nga tsín tífaʼáxinsíni Niná nga kʼoasikji kjoañʼai tjín i̱ Sonʼnde. A kui tsokʼoa nga tsín mandosinlee axo kʼoatso Niná nga machjénná nga kjoañʼai chja̱ʼá. [Tʼaiʼndelai chjota nga katanchja̱ kʼoa kʼia tʼexkialai Juan 3:16.] Tsandalani nʼio nkjín xi kʼoatso nga je bersíkulo jebi kui bakóná nga mandosinlee je Niná, tonga likui be jósʼin basenkaoná je kjoabiyale ʼNdíle Niná. Rebista jebi kui bakóyaná ánni nga totʼatsʼesíni kjoabiyale Jesucristo nga koa̱n tjóʼaxin je kjoañʼai xi tjín i̱ Sonʼnde.”

¡Despertad! Marzo

“Kui tichjakaonajmínijin je xíngiaa jotso Énle Niná ya Génesis 1:1, nga̱ tjínkʼa chjota xi tsín nda majinle jokjoansʼin tínchja̱ni [tʼexkiai]. Tjínkʼa xi makjainle nga je ngʼajmi kao Sonʼnde toxá koanndani, tojo tso testo jebi, tonga tjínkʼa xi tsín makjainle. Jósi ngái ji. [Tʼaiʼndelai chjota nga katanchja̱.] Nʼio nkjín xi tsín makjainle nga toxá koanndani nga̱ je chjota xi nyatítjonle relijión likui kʼoasʼin bakóya jokjoan tso je Biblia. Rebista jebi kui tsoya ánni nga koa̱n koa̱nkjainsíniná jmeni xi tso Biblia tʼatsʼe josʼin koannda je ngʼajmi kao Sonʼnde.”