Josʼin koa̱n kʼuínyasoán

Jósʼin kjoáyoaa je xo̱n xi kʼoabíson nga sʼe̱jna je Kjoabichile Nainá

“ʼNdali. Matsjoana nga kʼuínkaonáijin nga 3 sá abril. Jngo tjíjtsa Sonʼnde miyón mani chjota xi koatioxkó nga sikjaʼaitsjenya je Kjoabiyale Cristo. Jngo kjoanokjoaya sʼe̱jna jñani sa̱kóya jósʼin basenkaoná je kjoabiyale. I nroatʼa xo̱n jebi jme orani kʼoa jñani sʼe̱jna kjoajtín jebi.”

Xo̱n xi Bájinkonná 1 sá marzo

“Nó jebi, nga kjoe ijngo nó nga kʼien Jesús kʼiaa kʼoakaole nga bixine 3 sá abril. Kʼiaa kuiyojtínjin nga si̱kjaʼaitsjenyaijin je kjoabiyale Cristo. Tonga tjín chjota xi tsín kʼoasʼin síkjaʼaitsjen nga nʼio chjíle nga kʼienntjainá Cristo. Jósʼin nikjaʼaitsjenngái ji xi tʼatsʼe jebi. A basenkaoná nga kʼoasʼin kʼienntjainá kʼoa nga jaʼáyanile je Jesús. [Tʼaiʼndelai chjota nga katanchja̱.] Je Énle Niná itso xi tʼatsʼe jebi [tʼexkiai 1 Corintios 15:22, 26]. Rebista jebi kui bakóya je kjoanda xi sʼe̱ná nichxin xi sʼa nroa, nga tsín ʼya xi tikuiyáni xi totʼatsʼe nga kʼienntjainá je Jesús.”

Je xo̱nna xi bʼéyanajmí jotso Biblia

“ʼNdali. Kui tichjakaonijin je xíngiaa tʼatsʼe je én xi nʼio nda tso. A sakʼoaa chjonangilai yaoli tsa kjoaʼaí nichxin nga ndasʼin kuiyoaa. [Tʼaiʼndelai chjota nga katanchja̱ kʼoa kʼia takolai sén xi faʼaitʼa ya kjoaʼmiya 115. Xijekoa̱n, tʼexkialai je párrafo xi majaoni.] Ñaki tjínjngo tokoán nga kuitjoson én jebi nga̱ jé Niná xi kʼoatso nga kʼoakoa̱n [tʼexkiai 2 Pedro 3:13]. Libro jebi basenkaoná nga ngisasa sʼejngo tokoán nga tsjoakená Niná kʼoa nga mandosinle xi tʼatsaan. [Tajnalai je libro.]”