Josʼin koa̱n kʼuínyasoán

Jósʼin kjoáyoaa je xo̱n xi kʼoabíson nga sʼe̱jna je Kjoabichile Nainá

“ʼNdali. Matsjoana nga kʼuínkaonáijin nga 14 sá abril. Jngo tjíjtsa Sonʼnde miyón mani chjota xi koatioxkó nga sikjaʼaitsjenya je Kjoabiyale Cristo. Jngo kjoanokjoaya sʼe̱jna jñani sa̱kóya jósʼin basenkaoná je kjoabiyale. I nroatʼa xo̱n jebi jme orani kʼoa jñani sʼe̱jna kjoajtín jebi, kʼoa alikui tao̱n sʼe̱ña.”

Xo̱n xi Bájinkonná 1 sá abril

“Kui tichjakaonajmínijin je chjota xi tʼatsʼe je kjoabʼetsʼoa. Me ngatsʼi chjota nga bʼétsʼoa ningalani kjaʼaí kjaʼaí relijión tjíojin. Jósi ngái ji, a kuinga bʼétsʼoani chjota nga makjainle nga nrʼoé je Niná axo tokui kʼoasʼínni nga nda katasʼe kon. [Tʼaiʼndelai chjota nga katanchja̱.] Je Biblia itso xi tʼatsʼe jebi [tʼexkiai 1 Juan 5:14]. Je rebista jebi bakóyaná josʼin basenkaoná kʼianga bʼetsʼoaa.”

¡Despertad! Abril

“Kui tichjakaonajmínijin je chjota tʼatsʼe jngo kjoa xi nʼio tísʼe ndʼaibi kʼoa jmeni xi koa̱n sʼin. Tjínkʼa xíngiaa xi nʼio tse kjoa tjíojin xi saʼnda kʼoasʼin síkjaʼaitsjen nga tosikʼien yaole. Nga kʼoasʼin síkjaʼaitsjen, a kui xi tsonile nga ñaki mele nga kuiyá axo tokui xi mele nga tsín tikjoañʼai kjoaʼani. [Tʼaiʼndelai chjota nga katanchja̱.] Jngola testo koakole jñani faʼaitʼa jmeni xi sʼin Niná nichxin xi sʼa nroa xi nʼio basenkaoná. [Tʼexkiai Apocalipsis 21:3, 4.] Rebista jebi jan koya bakóya anni nga tsín koa̱n si̱kʼajennilee tokoán ningalani tse kjoa tjínná.”