Tichjáon jme xi faʼaitʼa ya jw.org nga kʼuínyalao ʼndíxtino
1. Jmé xá sʼendani jmeni xi faʼaitʼa ya jñani “Niños” tso ya jw.org.
1 Jmeni xi faʼaitʼa ya Internet ya jw.org koa̱nchjénle ninga je xi chjotajchínga kʼoa ninga je xi sʼa xti. Tobʼelañá, jmeni xi faʼaitʼa jñani “Niños” tso (toyaa dirección xi tsʼe én kastía jña faʼaitʼa jebi; tjasjai jñani tso: Enseñanzas bíblicas > Niños) jé basenkao je xi xijchá ma kʼoa kao ʼndíxtile nga nda batiokao xínkjín kʼoa nga nda batio ngixko̱n Jeobá (Deut. 6:6, 7). Jósʼin koa̱n si̱chjaon jmeni xi ya faʼaitʼa nga kʼuínyalao ʼndíxtino.
2. Jósʼin skoe̱ni je xi xijchá ma jmeni xi koa̱n kuitsoyale nga jngó jngó ʼndíxtile.
2 Kui tichjáon xi bakinle ʼndíxti. Je ʼndíxti kjaʼaí kjaʼaínile xi machjénle nga jngó jngó (1 Cor. 13:11). Jósʼin jchañá jmeni xi koa̱n kʼuínyalee. Tjínnele kuenta sʼiaan jotjín nóle kʼoa jmeni xi tsjoake. Kʼoati tjínnele si̱kjaʼaitsjeen jmeni xi jemajinle kʼoa jokji tse sísin nga sakóyale. Jmeni xi faʼaitʼa ya jw.org jñani “Mis primeras lecciones de la Biblia” tso, jé sʼendale je xtiʼndí xi sʼa jan nóle kʼoa xi ngisasa ʼndí. Kʼoa nʼio naskátjín nga jngó jngó kjoaʼmiya xi faʼaitʼa ya jñani “De padres a hijos” tso. Kataʼyala jmesani xi faʼaitʼa ya jw.org.
3. Jósʼin koa̱n sichjén je xi xijchá ma jme xi faʼaitʼa ya jñani “Ideas para la adoración en familia” tso.
3 Tichjáon nga chotʼayajtíon énle Niná ya niʼyano. Ya jñani “Ideas para la adoración en familia” tso, tsjoále kjoafaʼaitsjen je xi xijchá ma josʼin kuitsoyale je ʼndíxtile. Tisennelao ya jñani “Descargar” tso, kʼoa chótsenlao jotso je xi “Guía para los padres” ʼmi, ánni nga jchasíño josʼin si̱chjaon jmeni xi faʼaitʼa xi tsʼe xti ya jw.org. Kʼianga sa̱kóyale je xtiʼndí koaan kui koa̱nchjénle jñani tjío je xi ma nikʼiyá. Kʼoa je xti xi ngisa jejchínga, koaan kui sa̱kóyale je xi jesoa koatiotsʼinya. Je xi “Guía para los padres” ʼmi, me tikuini xi bakóya jotjín koya xi faʼaitʼa. Faʼaitʼa xi je bʼakaole xtiʼndí kʼoa faʼaitʼa xi je bʼakaole xi jejchínga.
4. Jmé xi faʼaitʼa ya jñani “Hazte amigo de Jehová” tso.
4 Miyole Jeobá katamai. Je video, je músika kʼoa kao jme xi faʼaitʼa ya jñani “Hazte amigo de Jehová” tso, koasenkao je xi xijchá ma nga kuitsoyale je xtiʼndíle je Énle Niná (Deut. 31:12). Je video xi faʼaitʼa nʼio chjíle jmeni xi bakóyale je ʼndíxti, kʼoa ngisa tinʼio nda síchoyangánile jmeni xi faʼaitʼa ya jñani “Actividades” tso. Kʼoa kjitʼa satío je kjoajnda xi tsʼe xtiʼndí, nga̱ nʼio nkjín xtiʼndí xi tsjoake nga se. Kʼoa xi ijngosani, ngisa sʼejinkon jmeni xi sakóyale kʼianga sekaoni.
5. Ánni nga machjénsíni nga je xi xijchá ma tosi tonda sijéle Jeobá nga je katabándiaale josʼin kuitsoyale ʼndíxtile.
5 Jon xi xijchá mao, je Jeobá kui xi mele nga koa̱nno koakoyalao je xi ñaki kjoakixi je ʼndíxtino. Kuinga machjénsíni nga tosi tonda si̱jélao nga je katabándiaano jmeni xi koa̱n sʼiaon (Juec. 13:8). Kʼiatsa kʼoasʼiaon, kʼoasʼin si̱chjinao ʼndíxtino “josʼin kuitjontjai xi totʼatsʼe nga makjainl[e] tʼatsʼe Cristo Jesús” (2 Tim. 3:15; Prov. 4:1-4).