Josʼin koa̱n sʼe̱yo je rebista

Tratado número 38 Én xi bájinkonná tʼatsʼe Chjotaxále Niná

“Jngo xo̱n tinikájnalaijin xíngiaa kʼoa nʼio chjíle je én xi faʼaitʼa. Jngo tjíjtsa Sonʼnde tíbʼabíson xo̱n jebi. Sikajna jngole.”

Nota: Tongisa nda nga tongotjo chja̱koaa chjota ánni nga kuitjosonsíniná ngayeje territorio xi bʼakaoná. Tonga tsa jngo chjota ska̱jiaan xi koa̱nndosinle jotso je tratado kʼoa mesale nga chja̱koaa, koaan chjónangilee jósʼin síkjaʼaitsjen tʼatsʼe je kjoachjonangi xi tíjna jña fitsʼiani. Xijekoa̱n, kʼoéxkialee jotso Hechos 24:15 kʼoa kʼuínyasalee jme xi nroatʼasa tratado jokji tje̱n tsjoá nichxin. Xi tofetʼani, koaan i̱ kʼuínlee: “Ánni nga majchíngasíñá kʼoa biyasíñá”. Je kjoachjonangi jebi yaa nroatʼa ya jto̱n yátsʼi̱n tratado. Koaan kʼoakʼuínlee kʼiani koanngínchon ijngokʼalee nga cho̱banajmísaa.

Xo̱n xi Bájinkonná 1 sá noviembre

“Kʼianga tsín kʼoatjín jme xi ʼmiyale chjota xi tʼatsʼe Niná yaa nroani nga tsín tisínʼiotʼani yaole. A ʼyaní jméni xi sakóya tʼatsʼe Niná xi tsínni kʼoatjín. [Tʼaiʼndelai chjota nga katanchja̱.] Je Biblia kʼoatso nga je Niná kui xi mele nga tsjoacha katamaa kʼoa nga je si̱nʼiotʼaa [tʼexkiai Isaías 41:13]. Je rebista jebi jan koya kjoandiso xi sakóya tʼatsʼe Niná síkʼéjnatsen.”

¡Despertad! Noviembre

“Nʼio nkjín chjota xi kʼoatso nga tsín tinanda ʼya xi nda fikaoni yaole ndʼaibi. A tsí kʼoati tiʼyai tsanda ji nga kʼoakjima. [Tʼaiʼndelai chjota nga katanchja̱.] Je Énle Niná tongini kʼoakitso nga sa chʼao sa chʼao koa̱nkjoan chjota nichxin xi tiyoaa ndʼaibi [tʼexkiai 2 Timoteo 3:1-5]. Je rebista jebi kui tsoya nga ngisa nda biyoaa kʼianga kui mangíntjenngiaa je kjoafaʼaitsjen xi faʼaitʼa Biblia.”