Jósʼiaan nga ndasa kʼuínyasoán: jmeni xi sʼiaan nga kjuinrʼoéná chjota xi ngindia

Ánni nga nʼio chjísínile nga kʼoasʼiaan. Kʼianga kajiaan jngo chjota xi mandosinle Énle Niná, mená kjuinchón ijngokʼalee ya niʼyale nga tosi tonda kʼuínyalee kʼoa nga koa̱nntjejin ni̱ma̱le je Énle Niná (1 Cor. 3:6). Kuinga machjénsíni nga chjónangilee kʼiáni nga koa̱n kjuinchón ijngokʼalee. Kʼoa si̱kʼéjnalee jngo kjoachjonangi xi kʼia kʼuínyalee nga kuichochon ijngokʼalee, ánni nga tongini sikjaʼaitsjenjinsíni. Kʼiatsa tiya bakóyani je xo̱n xi si̱kájnalee tʼatsʼe je kjoachjonangi xi kaʼmilee, tochale kʼoexkia. Kʼiatsa kʼoasʼiaan, ngisa choa ñʼai koa̱nná nga kuichochon ijngokʼalee nga̱ je ʼyaa jmeni xi kʼuínyalee kʼoa kʼoati jebe tsanda je. Nga ska̱jin ijngokʼá, kʼoakʼuínlee nga kui kʼuínyalee je kjoachjonangi xi tsakʼejnalee nga títjon kʼoa chja̱kaonajmiá.

Jókoa̱n sʼiaan:

Kʼianga kuiyondakoaa jokuixoán nga kʼuínyaa nga xki̱ niʼya, kʼoati si̱kjaʼaitsjeen je kjoachjonangi xi si̱kʼéjnalee chjota xi kʼia kʼuínyalee nga ska̱jin ijngokʼá. Jngo kjoachjonangi chjoéjiaan xi ya faʼaitʼa xo̱n xi kjimaxákao nga kui nichxin. Kʼoati koa̱n ya chjoénilee xi faʼaitʼa je xo̱n xi nichjén nga bʼé estudio, kʼoa koakolee nga kuichochon ijngokʼalee.
Kʼianga toje si̱kjetʼaa nga tichjakoaa je chjota xi kamandosinle Énle Niná, kʼoakʼuínlee tsa koa̱n nga kjaʼaí nichxin cho̱banajmísaa kʼoa si̱kʼéjnalee je kjoachjonangi xi kʼia kʼuínyalee. Tjín ʼnde jñani tsín nanda maʼale chjota, kʼoa kuinga tosa tsín kʼoatsoni tsa koa̱n kjuinchón ijngokʼalee. Koaan i̱ kʼuínlee: “A bijnaní nga kui ora jebi. [Tʼaiʼndelai chjota nga katanchja̱.] I kjoaʼa xomana xi nroa kʼoa matsjoana nga cho̱banajmí ngotjoá tʼatsʼe kjoachjonangi jebi... Tsa tsín ali nga kʼia, lijme xi koa̱nle”.
Tsa jngo ora cho̱bañá nga kuicho ijngokʼá, si̱tjosoán énná (Mat. 5:37). Nga kabichochon ngindialee, si̱kʼéjna ijngolee kjoachjonangi nga kjesa nixatʼajián.

I̱ tʼiain sá jebi:

Kʼianga kuijnandakoai josí nga kʼuínyasuin, kʼoati tikjaʼaitsjain je kjoachjonangi xi si̱kʼéjnalai je chjota xi kʼia kʼuínyalai nga kuichochon ijngokʼalai. Kʼoa tʼeyanajmílai je xi ñatje̱n kʼuínyasuin.