Jósʼiaan nga ndasa kʼuínyasoán: jmeni xi sʼiaan nga kjuinrʼoéná chjota xi ngindia

ÁNNI NGA NʼIO CHJÍSÍNILE NGA KʼOASʼIAAN:

Mená nga tosi tonda kʼuínyalee chjota je Énle Niná (1Co 3:6). Kʼiatsa jngo chjota ska̱jiaan xi mandosinle Énle Niná, jngo kjoachjonangi si̱kʼéjnalee xi kʼia kʼuínyalee nga kuichochon ijngokʼalee ánni nga tongini sikjaʼaitsjenjinsíni. Tsa kʼoasʼiaan, ngisa choa ñʼai koa̱nná nga tongini kuiyondaa jokʼuínlee xi ngindia. Nga ska̱jin ijngokʼá, kʼoakʼuínlee nga kui kʼuínyalee je kjoachjonangi xi kinikʼéjnalee nga títjon.

JÓKOA̱N SʼIAAN:

• Kʼianga kuiyondaa josʼin kʼuínyasoán, kʼoati si̱kjaʼaitsjeen je kjoachjonangi xi si̱kʼéjnalee chjota xi kʼia kʼuínyalee nga ska̱jin ijngokʼá. Jngo kjoachjonangi chjoéjiaan xi ya faʼaitʼa xo̱n xi si̱kájnalee. Kʼoati koa̱n ya chjoénilee xi faʼaitʼa je xo̱n xi nichjén nga bʼé estudio, kʼoa koakolee xo̱n jebi nga kuichochon ijngokʼalee.

• Kʼianga toje si̱kjetʼaa nga tichjakoaa je chjota xi kamandosinle Énle Niná, kʼoakʼuínlee tsa koa̱n nga kjaʼaí nichxin cho̱banajmísaa kʼoa si̱kʼéjnalee je kjoachjonangi xi kʼia kʼuínyalee. Koaan chjónangilee joʼmi, jña tíjnani kʼoa kao númerole teléfonole.

• Tsa jngo ora kachobañá nga kjuinchón ijngokʼalee je chjota, si̱tjosoán énná (Mt 5:37).