Jósʼiaan nga ndasa kʼuínyasoán: nga kjuinchón ijngokʼalee chjota

ÁNNI NGA NʼIO CHJÍNILE: Nʼio nkjín chjota xi mandosinle je Énle Niná xi kui tjíobásjai jokjoantjínni xi kixi (Isa 55:6). Nga ngisasa nda kʼuínyalee tjínnele nga kjitʼa kjuinchónlee. Je chjota kja’aí kja’aí kjoa faʼatojin, kuinga machjénni nga kjaʼaí kjaʼaísʼin koakonilee nga mandosinná xi tʼatsʼe. Kʼoa ngisaa koa̱nná josʼin chja̱koaa je chjota tsa nda kuiyondaa kʼoa kui kuenta sʼiaan nga kui xá timangínchonnilee nga kʼuínyalee je Biblia.

JÓSʼIAAN:

• Chʼa̱sjee nganʼio nga tiʼa koanngínchónnilee je chjota, nga tsín nkjín nichxin katafaʼato (Mt 13:19)

• Ndʼé si̱koaa kʼoa koakolee kjoaxkóntokon

• Si̱tiʼndaa chjota kʼoa ndasʼin chja̱koaa. Si̱chjén jaʼaínle nga chja̱koaa. Kʼoakʼuínlee jme xá kabichochon ijngokʼanilee: a kuinga kui kʼuínyalee jme kjoachjonangi xi kisikʼéjnaná, a rebista chjotse kichʼalee, a kui chja̱kaoñá tʼatsʼe pájina xi tíjnaná ya internet, a video koakolee axo kui koakolee josʼin ʼmiyaa je Biblia. Tsakui síkʼaxki̱ jme xi makjáojinle tosa kui chja̱kaonajmíñá (Flp 2:4)

• Kuisenkoaa je chjota nga katamantjejin ni̱ma̱le je Énle Niná, jngo testo xi tsʼe Biblia kʼoa tsa jngo xo̱n xi ya yʼangini si̱chjén (1Co 3:6). Si̱miyoaa je chjota

• Chósonnilee jokʼuínlee nga koa̱n kjuinchón ngindialee.