Josʼin koa̱n kʼuínyasoán

Xo̱n xi Bájinkonná 1 sá julio

“Nichxin xi tiyoaa ndʼaibi nʼio nikjáojiaan. Tonga jósingái ji, a koasenkaoná je kjoafaʼaitsjen xi kitsjoa Jesús nga tsín nʼio si̱kjáojiaan. [Tʼexkiai Mateo 6:25, kʼoa tʼaiʼndelai chjota nga katanchja̱.] Je kjoaʼmiya xi faʼaitʼa rebista jebi kui bakóyaná nga je kjoafaʼaitsjen xi faʼaitʼa ya Biblia koasenkaoná nga tsín nʼio si̱kjáojiaan nichxin xi tiyoaa ndʼaibi.”

Énnda chjotse xi tʼatsʼe Niná tínroani

“A tsí kjoaixi nga tjín xíngiaa xi nʼio bʼétsʼoale je Niná, kʼoa ngisa kʼianga kjoa tjínle. [Tʼaiʼndelai chjota nga katanchja̱.] Tonga a nrʼoéle Niná je kjoabʼetsʼoa xi batío ngatsʼi chjota. [Tʼaiʼndelai chjota nga katanchja̱.] Jngo xo̱n yʼa xi kui bakóya jñani kʼoatso je Biblia xi tʼatsʼe jebi. [Tʼailai je foyeto kʼoa tʼinyalai je párrafo xi fitsʼiani kjoaʼmiya 12 kao testo jñasíni “tʼexkiai” tso.] Nʼio tsjoa maná kʼianga kʼoatsoná je Niná nga koa̱n kʼoétsʼoalee. Tonga tsa mená nga ñaki kʼoakjoansʼin kʼoétsʼoalee Niná josʼin mele, tjínnele jchaa ʼyákjoánni je Niná. [Takolai kjoachjonangi xi número tjíotʼale ya kjoaʼmiya 2.] Koaan sikájnale xo̱n jebi kʼoa skan kjoaʼaikonngánile nga chótʼayá xi tʼatsʼe kjoachjonangi jebi.”