Josʼin koa̱n kʼuínyasoán

Xo̱n xi Bájinkonná 1 sá septiembre

“A ʼyaní ánni nga testigole Jeobá ʼmisíninajin. [Tʼaiʼndelai chjota nga katanchja̱.] Yaa Biblia kichʼanginijin nga kui jaʼaín kichʼaijin. Je Biblia kʼoatso nga je jaʼaínle Niná Jeobá ʼmi. [Tʼexkiai Salmo 83:18.] Kuinga testigole Jeobá ʼmininajin nga ʼmiyaijin xi tʼatsʼe Niná kʼoa kao jmeni xi tjínndajinle xi tʼatsʼe chjotasonʼnde. Nʼio nkjín chjota xi kjaʼaí kjaʼaí tso xi tʼatsainjin. Je rebista jebi koasenkaoli nga ndasa jchai xi tʼatsainjin.”

Josʼin sʼe̱yo je tratado

“Kui tifayolaijin je chjota xo̱n jebi. [Tʼailai je tratado kʼoa tʼexkialai je kjoachjonangi xi ya faʼaitʼa ya jña fitsʼiani. Xijekoa̱n, tʼinyalai jmeni xi tso je Biblia, kʼoa kʼoatʼinlai nga katabʼéxkia je tratado kʼianga koa̱nʼa ngotjole.] Nʼio nkjín chjota xi tsín be tsa yani Biblia bakóya xi tʼatsʼe jebi.” Takolai je tratado ya jñani faʼaitʼa je foyeto Énnda chjotse xi tʼatsʼe Niná tínroani kʼoa kʼoatʼinlai nga kʼuínchon ijngokʼalai nga cho̱banajmío.