NDA KOAKOYAA ÉNLE NINÁ
Jósʼiaan nga ndasa kʼuínyasoán: jisoa tʼendai josí nga si̱káyui je rebista
ÁNNI NGA NʼIO CHJÍSÍNILE NGA KʼOASʼIAAN: Ninga nʼio nda sʼin faʼaitʼa ya Xo̱n xi tjítʼa jme xi chotʼayá ya kjoajtín josʼin koa̱n sʼe̱yo je xo̱n, to kjoafaʼaitsjenní xi tsjoá. Koaan jisoa kʼoéndai josʼin koa̱n kjoáyui. Tsakui nichxin kjaʼaísʼin kuinókjoakaonajmí je chjota, kʼoa tsakui kuinókjoakaonije̱ jmeni xi nʼio mandosinle ya territorio jñani bʼakaoli. Jméni xi koa̱n sʼiain. Títjon tʼexkiai je rebista, chótʼayajin je choa̱ xi tjío josʼin koa̱n sʼe̱yo kʼoa chótsenlai je video xi kui tínchja̱ni, kʼoa kʼia tʼendai josʼin koa̱n kjoáyui nga kʼuíntjenngi kjoafaʼaitsjen xi faʼaitʼa ibi.
JÓKOA̱N SʼIAIN:
A si̱chjén kʼai choa̱ xi jefaʼaitʼa ibi.
JAON
Títjon tikjaʼaitsjain jokʼuínlai je chjota nga si̱xatʼai kʼoa kʼoatʼinlai jme xá kabichoni (tobʼelañá: “Kui xá jaʼaikonnile nga...”).
Kʼianga jekabʼejnai je kjoachjonangi, tikjaʼaitsjain jmeni xi sí josʼin kuitjásʼenkoai je testo xi kʼoéxkiai, kʼoa xijekoa̱n, tikjaʼaitsjain jmeni xi sí nga koa̱n si̱kájnai je xo̱n (tobʼelañá, nga jekʼoéxkiai je bersíkulo koaan i̱sí: “Kuitsoñá je Biblia”).
MAJAIN
Jngo koya chjoéjin, xi faʼaitʼa je rebista, xi koa̱nndosinle chjota ya territorio jña ʼmiyasuin.
Koaan jngo kjoachjonangi tikjaʼaitsjenjin je xi koasenkao nga kuinchja̱najmí, tonga ali tsakuijin chjonangilai xi sisoale (tobʼelañá, tichjain kjoachjonangi xi faʼaitʼa ya pájina 2 xi tsʼe rebista).
Jngo bersíkulo chjoéjin kʼoa tʼexkiai (kʼoa je xi tʼatsʼe ¡Despertad!, koaan koa̱nchjén kʼoa tsa mai, nga̱ rebista jebi tsʼení je chjota xi tsín nanda be jmeni xi tso je Biblia kʼoa xi tsín nanda sasénle xi tʼatsʼe relijión).
Jngo jao én tationdai josʼin kʼuínyalai je chjota, je xi koasenkao kʼianga kʼoexkia je artículo.
NINGA TOJÑANILE XI SI
Jngo kjoachjonangi tʼejnandai xi kʼia chobayaño nga kʼuínchon ijngokʼalai.
Tʼetʼaxuin xi koasenkaoli jósí nga kʼuínchon ijngokʼalai.