Jósʼin koa̱n si̱chjén jñani Jókoa̱n kuixoán nga chja̱kaonajmiá chjota tso

Tjen sá enero nó 2018 je Xo̱n xi tjítʼa jme xi chotʼayá ya kjoajtín yaa faʼaitʼa xi tso: “Jókoan kuixoán nga chja̱kaonajmiá chjota”. Jósʼin koa̱n si̱chjén.

Nga bitjaa ya plataforma: Si̱chjén je kjoachjonangi xi ya faʼaitʼa, je texto kʼoa kao je kjoachjonangi xi sʼe̱jnachxʼoá. Alikui machjén nga ñaki kʼoakjoan kuixoán josʼin faʼa ya video. Tobʼelañá, koaan si̱kʼantjaiyaa josʼin cho̱banajmiá, josʼin kʼoétsʼiakoaa kʼoa jme xi cho̱banajmíñá. Kʼoati koa̱n si̱chjén xo̱n kao video xi nichjén nga ʼmiyaa ninga tsínkjoan ya faʼaitʼa je Xo̱n xi tjítʼa jme xi chotʼayá ya kjoajtín.

Nga ʼmiyasoán: Ya jñani tso jókoa̱n kuixoán nga chja̱kaonajmiá chjota basenkaoná nga koa̱nná kʼuínyasoán. Tsa jngo chjota xi koa̱nndosinle je Énle Niná koaan si̱chjén xi faʼaitʼa jñani tso: Nga bicho ijngokʼá. Koaan kui si̱chjén jmeni xi ya faʼaitʼa kʼoa tsa maije̱ si̱kʼantjaiyaa josʼin chja̱kaonajmiá je chjota. Tsakui nichxin ngisa nda kuichomani kʼiatsa kui chja̱kaonajmíñá kʼoa tsa kui texto si̱chjén xi tsʼe sá xi jejaʼato. A tjín jmeni xi ngisa mandosinle je chjota kʼoa tsa jmeni xi nʼio tjíofáoyani ya jñani ʼmiyasoán. Chósonnilee josʼin si̱chjén jñani Jókoa̱n kuixoán nga chja̱kaonajmiá chjota tso, tonga xi ngisa kuenta sʼiaan kuinga kui chja̱kaoñá je chjota xi “tʼatsʼe énnda” (1Co 9:22, 23).