Jósʼin si̱chjén jñani jókoa̱n kuixoán nga chja̱kaonajmiá chjota tso

Nʼio ndasʼin tjíonda xi faʼaitʼa jñani jókoa̱n kuixoán nga chja̱kaonajmiá chjota tso, kʼoa nkjín ndsʼee xi kʼoatso nga ndasʼin bichómani nga kui síchjén nga tsoyason. Tonga kjaʼaí kjaʼaí chon nga jngó jngó ʼnde. Kuinga koa̱n sikʼantjaiyani jokuitso kʼianga tsoyason je ndsʼee kʼoa koaan kui kjoakaonajmíni chjota jmeni xi ngisa mandosinle. Tonga machjén nga kʼoasʼin kjuintjenngiaa jmeni xi ʼminá kʼianga toxá bʼabísonni jngo xo̱n. Kui xi mená nga si̱tjosoán jokitso je Jesús nga koakoyaa je énnda xi tʼatsʼe Chjotaxále Niná (Mt 24:14).

Kʼianga bʼakaoná bitjachoyaa ya kjoajtín nga jinle xomana josʼin kʼuínyasoán, machjén nga kui si̱chjén jme xi tínchja̱ni xi faʼaitʼa Xo̱n xi tjítʼa jme xi chotʼayá. Tsa kʼoatso nga koa̱n kʼoantjaiya, koaan si̱kʼantjaiyaa je kjoachjonangi, texto, kjoachjonangi xi sʼe̱jnachxʼoá kʼoa tsakuije̱ josʼin chja̱kaonajmiá chjota ya jñani bʼakaoná ʼmiyasoán. Jebi tsʼantjaiyajin jotso tsakai xi faʼaitʼa ya página 8 xi tsʼe Xo̱n xi tjítʼa jme xi chotʼayá xi tsʼe sá junio nó 2020.