Kʼianga kʼoabíson je xo̱n xi sʼeyole chjota nga sʼejna kjoajtíntse xi jan nichxin

Kʼianga xki̱ nó, nʼio tse kjoatsjoa tjenkao kʼianga ʼmiyaná je Énle Niná ya kjoajtíntse xi jan nichxin sʼejna. Kʼoa nga kʼoati mená nga katabe je chjota je kjoanda xi tjínle Jeobá, kʼoénelee yaoná jokji kʼoakoa̱nná nga kʼoakʼuínlee nga katafi kjoajtíntse jebi (Sl 34:8). Jé xi chjotajchínga sʼin tjío ya jtín kʼoakuitso josʼin koa̱nxákao je xo̱n xi kʼoabíson.

KUENTA SʼIAAN JEBI

• Kʼiáni sʼe̱jna kjoajtíntse xi bʼakaona.

• Kʼiáni sikʼabíson je xo̱n xi sʼe̱yo ya jtín jña fia.

• Jmé nichxinni sʼe̱ndajin kʼianga sa̱kóyason.

• Jósʼin mena sixále Niná kʼianga kʼoabíson je xo̱n xi tsʼe kjoajtíntse.

• ʼYáni xi mena sikáyole je xo̱n.

KJOÁYOAA XO̱N XI TSʼE KJOAJTÍNTSE

Kʼianga jesi̱tiʼndai je chjota koaan i̱ kʼuínlai:

“Jngo kjoajtíntse sʼe̱jnanajin kʼoa jngo xo̱n tifayolaijin xíngiaa. Xo̱n jebi tíbʼabí jngo tjíjtsa Sonʼnde kʼoa i faʼaitʼa jñáni, kʼiáni kʼoa jmé orani sʼe̱jna. Menajin nga kʼuínkaonáijin”.

KATAMANDOSINNÁ JE CHJOTA

Ninga mená nga kʼoakʼuínlee ngatsʼi je chjota nga katafi je kjoajtíntse, machjénní nga kuenta sʼiaan ʼyani xi koa̱nndosinle je Énle Niná.

Kʼianga xoto kao nga taingo kʼoati koa̱n si̱káyolee rebista je chjota kao xo̱n xi tsʼe kjoajtíntse.