Kʼiaa koaitsʼiani nga 22 sá marzo nga kjoájinkoaan chjota xi tʼatsʼe Kjoabichile Nainá

Nó xi tiyoaa ndʼaibi, kʼiaa nga xoto nga 22 sá marzo koaitsʼiani nga kjoájinkoaan chjota xi tʼatsʼe Kjoabichile Nainá. Kʼoaʼminá ngatsʼiaa nga kʼoainganʼioá. Kʼoa nga xoto kao nga taingo kʼoati koa̱n si̱káyolee chjota je rebista tsa bele tokoán. Kʼoa je xoto nga tífitsʼia sá abril ʼndele nga estudio kʼoétsʼiakoaa, tosa kui xi ngisa kʼoailee kjoandosin nga si̱kʼabísoan je xo̱n tʼatsʼe nga kjoaʼaítsjenya kjoabiyale Cristo. Tonga koaan kʼoétsʼiakoaa estudio tsa jngo chjota ska̱jiaan xi koa̱nndosinle énle Niná. Jé superintendente xi tsʼe servicio kʼoendajin tsa koa̱n nga ya si̱kʼabísoan jñani nkjín chjota sʼe ya territorio jñani bʼakaole jtín. Kʼoétʼaxoaan ʼyani xi mená nga koai nga kjoaʼaítsjenya je kjoabiyale Cristo, jolani tsa je xi xíngiaa mani, tsa je xi ya ñatje̱n nixá, tsa je xi ñatje̱n mangián skuela kʼoa tsa je chjota xi mandosinle énle Niná, kʼoa kʼoailee je xo̱n nga tosʼa tífitsʼia nga si̱kʼabísoan. Choyalee nga nʼio nkjín koa̱nni xi koai nga si̱kjaʼaitsjenyá je kjoatsjoacha xi tsakakóná je Jeobá kao Jesús (Juan 3:16; 15:13).