A jetinichjáin je aplicación JW Library

Je aplicación JW Library jngoní programa xi koa̱n to kjoatjao koa̱n chʼa̱jain ya teléfonoli, tabletali kʼoa tsa computadorali. Kʼoa je aplicación jebi koaan chʼa̱jain je Biblia kʼoa kao xo̱n xi kjaʼaísa, archivo xi tsʼe video kao grabación.

JÓSI̱KOAI NGA KOA̱N SʼE̱JNALI Títjon Internet titjásʼain kʼoa chʼa̱jain nga sʼiain instalar je JW Library ya jñani ma chʼajeen je aplicación. Je JW Library maa satíoya tsa celular kʼoa tsa tableta. Kʼianga jekuitjásʼain ya Internet, chjóʼai aplicación jebi kʼoa chjoéjin jmeni xi meli chʼa̱jain ya celularli kʼoa tsa tabletali. Kʼiatsa tsínli Internet, tichjáin xi tíjna ya Ndʼia jña chotʼayá, tsa ya parque kʼoa tsa ya jñani ma bitjasʼeen Internet. Kʼianga jechjoéjain ngayeje jmeni xi machjénli, alikui ti Internet koa̱nchjénnili. Kʼoa nga sa koa̱nchjotseya sa koanchjotseya aplicación jebi, koaan kʼia chʼa̱jain je xi chjotse.

ÁNNI NGA KOA̱N SʼE̱JNASÍNILI Je aplicación JW Library nʼio machjén nga toñá chotʼayá kʼoa kao ya kjoajtínná. Kʼoati nda machjén nga ʼmiyasoán, ngisa nga tojñani tsaojiaan je chjota.