Jña ma bitjasʼeen Internet xi tsʼe Testigole Jeobá: Koa̱nchjénná nga chótʼayá nga toñá kʼoa kao yaniʼyaná

Tʼexkiai je rebista xi chriansʼa kitjo. Nkjín xomana tongini koa̱nsjaitʼali ya Internet je rebista La Atalaya, ¡Despertad! kʼoa kao grabaciónle nga kjesa bichójin ya jinjtín. Toyaa dirección xi tsʼe én kastía jña faʼaitʼa jebi kʼoa kao kʼasa én. (Tjasjai jñani “Xo̱n kao grabación” tso kʼoa titjásʼain jñani “Rebista” tso.)

Tʼexkiai jotjín koya xi toyasa sa̱tíotʼa ya Internet. Jebi likui tiya kjoaʼaítʼani ya rebista: “El rincón del joven”, “Mis primeras lecciones de la Biblia”, “Actividades para la familia” kao “Los jóvenes preguntan”. Koaan si̱chjain jebi nga chotʼayai Biblia kʼoa kʼianga chotʼayajtíon énle Niná ya niʼyano. Toyaa dirección xi tsʼe én kastía jña faʼaitʼa jebi kʼoa kao kʼasa én. (Tjasjai jñani “Enseñanzas bíblicas” tso, kʼoa titjásʼain jñani “Niños” tso kʼoa tsamaije̱ jñani “Jóvenes” tso.)

Katasʼejinli jme xi kjima jña xin ʼnde. Kataʼyai josʼin tjíosíxá je ndsʼee kʼoa chótsenlai video xi bakó jokji tími je xále Niná. Kʼoati sʼe̱jinli jñani kjoaxkón tjíojin kʼoa jñani chjota tjíofitjenngikontrale je ndsʼee, kʼoa kʼoasʼin jchani jmeni xi koa̱n si̱jéntjai (Sant. 5:16). Toyaa dirección xi tsʼe én kastía jña faʼaitʼa jebi kʼoa kao kʼasa én. (Tjasjai jñani “Noticias” tso.)

Biblioteca xi tíjna ya Internet. Kʼiatsa jetíjna Biblioteca jebi xi tsʼe énli koaan si̱chjain je computadorali kʼoa tsakui ki̱cha̱ xi bitjasʼenni Internet kʼianga kjoásjai je testo xi maxkia nga nyaon nyaon kʼoa kao je xo̱n xi chriansʼa kitjo. (Tjasjai jñani “Xo̱n kao grabación” tso kʼoa titjásʼain jñani “Biblioteca ya Internet” tso. Kʼoati koa̱n kʼoétʼai dirección jebi www.wol.jw.org ya jña bitjasʼenni Internet.)

[Én xi tjítʼa ya pájina 4]

(Chótʼai je xo_n xi kitjo kʼiatsa meli jchai jokjoan kisʼe)

Titjásʼain je dirección chjotse

1 Kʼiatsa ya kuisennelai sén xi nroatʼa axo ya jña kʼoatso nga koa̱n sʼiain descargar, formato PDF kʼónya. Xijekoa̱n, koaan sʼiain imprimir kʼoa chótʼayajion kao ʼndíxtili.

2 Ya tisennelai jñasíni jo flecha kji xi bakó ánni nga koakosínili je video xi meli chótsenlai.