ʼYáni xi nimiyui ya Internet

Tsjoake xínkjín je xi miyo fáo. Je David kao Jonatán kʼiaa miyo tsakjáo kʼianga jekisikʼien David je Goliat (1Sa 18:1). Kui kini jñani nda kisʼin nga jngó jngó kuinga nʼio miyo tsakjáoni. Kʼianga nda miyo sʼe̱ná, machjén nga nda jchaxkoaan je miyoná, kʼoa nichxin machjén nga jchaxkoaan jngo chjota. Kʼoa ya redes sociales ngotjo koa̱nsjaininá je xi miyo kʼuínlee. Tonga alikuini ʼyaa jokjoannikjoan jngo chjota xi toya Internet matsen, nga̱ jé xi tsoni jmeni xi batíotʼa ya Internet kʼoa xi mele nga skoe̱ xi kjaʼaí. Kuinga machjénsíni nga nda chósonnilee ʼyani xi nimiyoaa ya Internet. Tsa tsín nda ʼyaxkuin je xi kʼoatítsoli ya Internet nga mele miyoli koa̱n, alikuijin ʼmini josʼin sikjaʼaitsjen tsa tsín meli nga miyoli koa̱n. Nga tsín ndasʼin bichóma sakʼoani, tjínkʼa xi tosa tsín redes sociales síchjén. Tonga tsa meli nga kui si̱chjáin, jméni xi kuenta sʼiain.

KʼIANGA JECHÓTSENLAI JE VIDEO CHÓSONNILAI JOSʼIN TICHJAIN JE REDES SOCIALES, CHÓTʼAYAJIN KJOACHJONANGI JEBI:

• 

  Jméni xi kuenta sʼiain nga kjesa jme xi chjijin kʼoa tsa foto si̱katíotʼai ya redes sociales.

• 

  Ánni machjénsíni nga nʼio nda chósonnilai ʼyáni xi si̱miyui ya Internet.

• 

  Ánni machjénsíni nga chósonnilai jokji nichxin si̱kʼayalai je redes sociales (Ef 5:15, 16).